بــهــاء عــجــمــي..الرأي السياسي

بسم الله الرحمن الرحيم

وبه نستعين

أما بعد

....

كل حاجة في حياتنا جميلة وحلوة

بقلم / بهاء عجمي

.

.

ايه الدنيا الحلوة دي

.

الجو جميل والهوا نقي ونضيف وممتع

المواصلات فاضية وسريعة

الاتوبيسات مش زحمة

مافيش حرامية في طريقنا ولا قطاعين طرق

.

حتى الاكل اللي بناكلوه

لا مبيدات حشرية ولا امراض سرطانية

ولو حد مثلا مثلا يعني جالو مرض وده مستحيل طبعا

حيلاقي العلاج متوفر كتير اوي في كل صيدليات مصر

المستشفيات واسعة وهادية وجميلة خالص

.

الشركات فيها شغل لكل الناس

والموظفين دايما سعدا وبيبتسموا في وشنا كلنا

.

الدكاترة طيبين ومش بتوع فلوس

المدرسين حلويين ومش بتوع درووس

حتى المديرين بتوعنا في الشغل طيبين اوي وبيحبونا

.

الناس كلها بتساعد الشباب

كل الشباب مرتاح ومتهني

.

ويسلااام بقى على مية النيل العظيم الخالد

ومية المجاري والصرف الصحي

حتى مية المجاري والصرف الصحي ريحتها حلوة

كأن فيها مية ورد

.

بجد الحكومة بتاعتنا بتعملنا حاجات كتير اوي حلوة

مستشفيات عامة رخيصة خالص

مدارس فاضيييية جدا وفي كل فصل تلات اربع طلاب بس

الاسواق متوفر فيها كل الاكلات والاطعمة وتقريبا بالمجان

حتى المطاعم الخاصة الكبيرة الفخمة بتقدم الاكل ببلاش لينا وللقطط

.

انا مش عارف ليه الناس بتقول على الحكومة بتاعتنا كلام غريب كدة

.

مش عارف فساد ايه

وشركات ايه اللي بتتباع

ومواصلات ايه اللي زحمة دي

وناس ايه اللي حرامية ونصابين

ال وايه كمان بيقولو مية الشرب فيها مجاري

.

ده حتى الدستور بيتغير مخصوص عشان الشباب تعيش وتهيص

.

99 مليون فرصة عمل للشباب

.

جنيهات حديد بدل الجنيهات الورق اللي كانت بتتقطع في جيوبنا

بجد

حكومتنا مش سايبة اي فرصة للناس عشان تنتقدها

حتى رئيس الوزرا بتاعنا

نظيف

ووزير الاقتصاد

غالي

ورئيس مجلس الشعب

في سرور دايما

وبتاع المواصلات منصور

وبتاع العلام معلوم

وبتاع البيئة موبوء

مش عارف الناس زعلانين ليه

.

بيقولو قال فيه دين جديد اسمو بهائي

طب وهو بهاء ده اسم وحش يا جماعة برضو تصدقو عيب عليكو !!

والا حكاية المسيحين والمسلمين اللي عايشين مع بعض في سلام وامن وامان

لا مسيحيين بيعملو قنوات تليفزيونية يشتموا فيها النبي محمد

ولا المسلمين بيدخلو الكنايس بالمطاوي والسكاكين

ده حتى شيخ الازهر بتاعنا  بيسمع ام كلثوم

بالذمة عايزين ايه اكتر من كدة

داحنا في نعمة وخيرية وطعمة كمان

.

مش كفاية الحكومة دبحت الخنازير كلها عشان نرتاح منها ومن ريحيتها الوحشة

وحرقت الطيور كلها عشان نرتاح منها ومن صوتهم العكر

حتى اللحمة بقت متغرقة بالتلج وكلها دم احمر زي لون الورد

شايفين حياتنا حلوة ازاي

.

الله

انا بحب مصر اوي

وانتو كمان بتحبوها صح

.

بتتربو كويس

بتاكلو احلى واغلى اكل

وانضف اكل طبعا

وبتدخلو احسن مدارس فاضية

دي حتى المدارس مافيهاش مدرسين

يعني فاضية اهي  اومال بتقولو زحمة ليه

.

الجامعات برضو كلها زرع وخضرة وبنطلونات جينز ضيقة وباديهات وشك واستمك وبتاع

.

والدكاترة مش معقدين ولا حاجة والتقديرات على عينك يا تاجر

واللي ما يشتري يتفرج على فلم جنسي كمان بين الدكتور والطالبة اللي عايزة الامتحان

يعني الحياة حلوة اهي في جامعة اسكندرية

وفي جامعة طنطا والتسجيلات الصوتية

والا جامعة القاهرة وعيش شمس وبناتها

بجد

انتو مزودينها اوي يا شعب

ما الدنيا بخير اهي

.

ده حتى كيلو السكر باربعة جنيه بس

وازازة الزيت تقريبا بخمسة ستة جنيه  يعني ببلاش اهي

.

والناس اللي بتقول اللحمة باربعة واربعين

ليه تروحوا عند ام اربعة واربعين

ما في عندكو في السوق ام اتنين وعشرين وتمنتاشر وسبعة ونص وعشرة

تاني

وسبعة ونص  وعشرة

تالت

وسبعة ونص وعشرة

.

في ايه بس يا شعب زعلانين ليه

.

مش عايزين جمال مش عايزين جمال

ايه يا شباب

ان الله جميل وبيحب الجمال

والجمال جاية من كلمة جمال

يعني جمال حلو خالص

كمان حتتبطروا ع النعمة

مش عاجبكم جمال

.

اما انكم شعب ابن ؟؟؟ صحيح

....

ده حتى التليفزيون كلو اغاني ورقص ومية مية يا باشا

وساعات بيجي برامج دينية الساعة ستة الصبح كدة او خمسة ونص الصبح

.

عايزين ايه تاني بس

الحديد رخيص

الاسمنت ارخص بالتبعية

الرملة مالية البحور والشواطئ

العربيات صيني وزي الفل

الفلوس بقت حديد عشان الدنيا تروق اهي

حتى الربع جنيه مخرووم

يسللاااام يا حكوومة انا بحبك اوي

.

عندنا شرم الشيخ والساحل الشمالي ومارينا

وماعندناش الباطنية والكرنتينة وبولاق والورديان

المناطق كلها راقية ومتسفلتة وزي البلك

.

الطرق مافيهاش مطبات وكلها مرصوفة ومزروعة خضرة وورود

.

المحاسب بيشتغل عند بتاع عصير قصب

والمحامي بيشتغل في اونيكس وشركات النضافة

والدكتور بيشتغل في شركة امن

بذمتكم

عايزين توفير فرص عمل اكتر من كدة ؟

.

ده حتى المرتبات

فوق الفوق

انا عن نفسي بقبض يجي بتاع 300 جنيه وشوية فكة

دانا بتعب وانا بعد المرتب بتاعي كل شهر

ياريت يقبضونا كل تلات اربع شهور احسن

.

حتى الجواز

بقى ببلاش

ورقة بيضا وتوقيعك وتوقيع الموزة

وتوقيع واحد مالوش لازمة من صحابك

تبقى اتجوزت

وشقة فاضية في اي حتة بيئة ورايقة

تبقى جامعت الموزة

سوري المدام

وكلها تسع شهور او سبعة وساعات اليومين دول تلاتة

وتبقى اب

والموزة تبقى ام

.

بجد

انتم بتتلككوا يا شعب

الحكومة حلوة خالص

انتم وحشين

وياي

بجد

ياي عليكم

.

.

انا عن نفسي

.

بحب مصر

.

بـــــحــــب مـــصــــر

.

بهاء عجمي

 

بسم الله الرحمن الرحيم

وبه نستعين

أما بعد

.

هؤلاء من يقتلون الحب

.

بقلم / بهاء عجمي

.

.

عندما تتهاوى تحت اقدامنا

ارقى واسمى مشاعر في الحياة

عندما نترك الاحلام وراء ظهورنا

ونتعلق بكوابيس الليل الحزين

عندما نفتقد بداخلنا الى نبضات الحياة

هكذا يموت الحب

.

اشخاص كثيرة هي التي تقابلها في حياتك

اشخاص متنوعة ومختلفة ومتلونة

.

اشخاص تمد اليهم يد العون والمواخاة

فتعض ايديك وتحترق ايادي عونك ومواخاتك هذه

.

اشخاص لا يعرفون اي معنى للحياة سوى الحقد

اشخاص يتداركون مواقفهم بناءا على طلبات الشيطان

الذي يعظهم يالكراهية والزييف

.

لو ابتسمت في وجه احدهم

ادرك انك تريد مصلحة ما

لو مددت يدك الى احدهم

ايقن انك تريد شيئا ما

.

الكل وضع الحب جانبا

الكل تنصل وتبرأ من جريمة الوفاء والاخلاص

نعم

فقد اصبح الاخلاص في وقتنا هذا

جريمة يعاقب عليها قانون الحياة

.

كم مرة اهدرت مشاعرك ؟

كثيرا

كم مرة صدقت واخلصت ووفيت بوعودك ؟

كثير ايضا

.

ولكن

كم مرة احببت؟

لا تقل لي كثيرا

ولا حتى مرة واحدة

.

ان تحب

هو فعل اصبحنا جميعا نفتقد الى مجاراته

انت تخلص في مشاعرك

هو فعل ادركنا جميعا مدى خطأة فاعليه

.

في حياتنا الان اشخاص اخرى

اشد غباءا ومادية

اشخاص غوغائيون

متمشعرون

لا يعرفون اي شئ عن الحياة او الحب

سوى انه اداة في ايدي الغير شرفاء

يظلمون بها

وينافقون بها

ويحصلون على شهواتهم بها

وربما يقتلون بها

.

ارايتهم من هم الاشخاص الذين ملأوا حياتنا

.

المنافقون

الحاقدون

الكارهون حتى لانفسهم

.

لذلك اراد الله لهذا المعنى الراقي والسامي

الا وهو الحب

ان يندثر تحت اقدامنا جميعا

مثله كمثل كل المشاعر الرقيقة الخلابة في حياتنا

.

فبعد ان

قبرنا الاخلاق

ودفنا الاخلاص

ها نحن نشيع جنازة الحب

اسمى معاني الحياة ومشاعرها

ها نحن نشيع الحب

والى اجل غير مسمى

.

تلونت اخلاقنا بصبغة بهذا السوء واكثر

.

انا لله وانا اليه راجعون

.

الم يقل الله

وبشر الصابرين

الذين اذا اصابتهم مصيبة قالو

انا لله وانا اليه راجعون

.

اذن

فليعيننا الله على اختفاء مشاعر الحب من حياتنا جميعا

فهذه مصيبة كبرى

وما اعظمها من مصيبة

ان يموت الحب ويندثر

وان نقبر مشاعرنا ونشيعها

.

هكذا يموت الحب

.

بهاء عجمي

 

بسم الله الرحمن الرحيم

وبه نستعين

أما بعد

.

انا كرامتي

بقلم / بهاء عجمي

.

.

اوقات كتير بتمر على الانسان مواقف صعبة جدا عليه

محتاج فيها يكون صبور مش متسرع

مطلوب منه انه يتحمل اي ضغط عصبي ونفسي عليه

.

ومن ضمن المواقف دي

موقف ممكن يكون متعلق بحياتك ككل

مستقبلك كلو

.

موقف صعب جدا بيمر على الانسان لما يتحط في مشكلة

ويكون مطالب بحلها

عشان مايخسرش حياتو ومستقبلو

لو كان الحل

ان الانسان عشان يحافظ على حياتو ومستقبلو

لازم يهين كرامته ويذل رجولته ونخوته ؟!!

صح الكلام ده ؟

ماعتقدش

ومهما كانت الخساير اللي حتيجي على الانسان

لو ماتنازلش عن كرامته وذل رجولته ونخوته

.

الانسان مننا

في اليومين دوول

مايملكش

غير كرامته

حريته الشخصية

ادميته

.

هل يتنازل عنهم عشان يرضي طموح حياتو ومستقبلو ؟

حيبقى ايه معنى الحياة وانت عايش فيها من غير كرامة مثلا ؟

حيبقى ايه منظرك قدام نفسك وقدام الناس اللي بتحبك لو اتنازلت عن نخوتك ورجولتك

عشان ماتخسرش حياتك ومستقبلك

.

لا

انا عندي اخسر كل حاجة في الدنيا الا ديني

بس ماخسرش كرامتي ورجولتي وموقفي

.

محتاج صبر

اصبر

محتاج عزيمة

انا لسة شباب

محتاج تفاهم وعقل

اتفاهم واعقل

لكن اتنازل

عن اهم واغلى شئ عندي

كرامتي ؟

ماقدرش

ماعرفش

ماستحملش

.

ماينفعش الانسان الحر يتنازل عن كرامته ومبداه

مهما كانت الظروف والضغوط والاسباب

.

خصوصا لو كنت انسان حر

وعندك دم حر

.

اللهم الهمني الصبر والسلوان

اللهم الهمني القوة والسيطرة على اعصابي وجوارحي

اللهم اقف بجواري في لحظات كهذه

انا في اشد الحاجة فيها اليك

.

اللهم الهمني الصبر والسلوان

اللهم الهمني الصبر والسلوان

.

.

بهاء

بسم الله الرحمن الرحيم

وبه نستعين

أما بعد

.

مدونتي

ومن حقي اكتب اللي يريحني

.

اسف جدا

.

اسف جدا

على اخطائي

اسف

على بركان اشواقي

اسف اني غصبن عني

كنت كتير على حبك باقي

.

اسف

لو على عمري امنتك

اسف ماجرحتكش وخونتك

كنت في نارك وطنك دارك

كنت في ليل الغربة مدينتك

.

اسف

.

اللي حبك يوم ...انا

واللي كان موهوم...انا

كل جرح ناره قايدة

كان خطأ مني انا

اللي عاش مخدوع ..انا

واللي نهايته دموع..انا

.

لو حلوم حد النهاردة

مش حلوم غيري انا

.

ايام وسنين

اخلاص وحنين

ماشي ورامي القلب في حضن

عيون خاينين

احضان سكاكين

راجع شارب منهم حزن

.

انا لو اسف

اسف اني

اني في يوم قربتك مني

كان احساسي ببعدك عني

ضلمة وعتمة ورعب وخوف

كنت عايشلك ثانية بثانية

كنت بحس ان انت الدنيا

بيني وبين الناس والتانية

حاجز عاجز فقد الشوف

.

اسف

.

اسف جدا

على اخطائي

اسف

على بركان اشواقي

اسف اني غصبن عني

كنت كتير على حبك باقي

اسف

لو على عمري امنتك

اسف

ماجرحتكش وخونتك

كنت في نارك وطنك دارك

كنت في ليل الغربة مدينتك

.

اسف

.

سيبني اعيش في النار..انا

سيبني اضيع وانهار..انا

سيبني جايز انسى امبارح

وانسى احزاني انا

ابقى مين او ايه ..انا

ابقى حبيبك ليه ..انا

دانت عايز قلب جارح

قلب غير قلبي انا

.

احساس كداب

غدار قلاب

كل كلامك وهم وكدب

انسان بياع

جراح خداع

تعرف ايه انت عن الحب

.

انا لو اسف بتاسفلك

لو حياتك كنت واقفلك

كنت كتير عمال بحلفلك

اني حعيش العمر معاك

.

كان صعبان على قلبي خضوعك

كنت مراكبي وكنت قلوعك

كنت مصدق كل دموعك

كنت بحس ان انت ملاك

.

اسف

.

...

..

.

اجمل سنين العمر

.

اجمل سنين العمر

ضيعتها مع قلب خاين

قلب كان زي الزمن

كل اما اكون فرحان اوي

بيدوس اوي على فرحتي

.

واهي غلطتي ضحيت بعمري

كام سنة

دلوقتي انا بدفع تمن كل اللي راح

كل الجراح من دمعتي

.

سنين كتار وانا برمي قلبي في حضن خاين

استاذ كبير في الجرح بس مكنش باين

.

سنين كتار وانا برمي قلبي في حضن خاين

استاذ كبير في الجرح بس مكنش باين

.

انا اللي طول الطريق

مكنتش بطيق

اشوف دمع في عنيه

تقسى الايام عليه

يلاقي في حضني دار

.

اتاريني طول الطريق

بموت بالبطييئ

مش حاسس بالامان

وضعيف قلبي وجبان

خايف ياخد قرار

.

سنين كتار وانا برمي قلبي في حضن خاين

استاذ كبير في الجرح بس مكنش باين

.

اجمل سنين العمر

اجمل سنين العمر

.

بتجري ويا ناس خاينة

ضماير سودة مش باينة

ليالي قلبنا الطيب

يداوي الجرح ويطيب

وفاكر انه عرف يختار

ملايكة في اول الرحلة

بتوعدنا الحياة تحلى

نأمن ليها ونسلم

ونتجرح ونتالم

ونرجع بالالام والنار

ونندم ع اللي كان بعد اما بيفوت الاوان

نرجع نقول ياريتنا ما بدانا

وسيبنا العمر يسرقنا

ياريته ما ابتدى المشوار

.

سنين كتار وانا برمي قلبي في حضن خاين

استاذ كبير في الجرح بس مكنش باين

.

انا اللي طول الطريق

مكنتش بطيق

اشوف دمع في عنيه

تقسى الايام عليه

يلاقي في حضني دار

اتاريني طول الطريق

بموت بالبطييئ

مش حاسس بالامان

وضعيف قلبي وجبان

خايف ياخد قرار

.

سنين كتار وانا برمي قلبي في حضن خاين

استاذ كبير في الجرح بس مكنش باين

.

.

...

..

..

اكرهيني

بهاء عجمي

 

 

بسم الله الرحمن الرحيم

وبه نستعين

أما بعد

.

رسول من الجنة

بقلم / بهاء عجمي

.

.

لا تكمن صعوبة اعلان الحقيقة واضحة وصريحة

في انها تحتاج الى جراءة وشجاعة معينة كي تنطقها

كل هذه من كلمات تتعلق بالشجاعة والجراءة المطلوبتين لاعلان الحقيقة

ومهما كانت مخزية لمعلنها

هي كلمات ابتدعناها لنلون بها فقرنا الصريح للسبب الاساسي لعدم اعلانها

.

فاصبح الرجل ليكذب ويتباهى بانه لا يمتلك الجراءة لاعلان الحقيقة

واصبح الكاتب يعلن نفاقه ويفتخر في ذلك بان ليس لديه الشجاعة الكافية

.

تكمن صعوبة اعلان الحقيقة على مسمع ومرأى من الجميع

بمدى مصداقية تلك الحقيقة وشفافيتها

ومدى قسوتها وقسوة ردود افعال مستقبلين تلك الحقيقة

على قائلها او معلنها

.

.

قديما

اتيت من بلاد لا ماء فيها ولا هواء

ما كنت اشرب ولا كنت اتنفس حتى يدركني النعاس عطشا وجوعا وهبوطا

.

كنت في بلاد لا يرى فيها الكذاب الا لحظات معدودة

ومن بعدها

يقتل امام الجميع هو واكاذيبه

وتقطع رقبته وتعلق على ابواب تلك البلدة الصريحة

.

قديما

كان لكل منا جوادا عتيا ابيضا

ليس به اي نقطة سواد

وان ظهرت نقطة ما بلون غير الابيض في جسده

قطعناها وعلقناها هي الاخرى على ابواب مدينتنا

.

كنا نلعن السواد والقتامة بكل ما اوتينا من قوة وشجاعة وجراءة ؟!

.

في تلك البلاد كنا نشفق على المنافقين

لاننا نعلم جيدا انه سياتي اليوم الذي تقطع فيه رقابهم

وتعلق بجانب رأس الكذاب وقطعة الجواد السوداء

.

هكذا كنا نعيش

اما بطوليين حتى في افكارنا

واما مضحيين امام ضمائرنا بكل ما نملك

.

فقدت اسرتي كلها رميا بالرصاص

لم يتبقى لدي سوى جوادي العتيق الابيض

وبعض اساور الذهب والفضة التي تركتها لي والدتي

وفي عاداتنا

من تقتل اسرته بالكامل رميا بالرصاص امام عينه

ليس له مكانا بيننا

فابعدوني وجوادي من بلدتي الصريحة الواضحة

وزجوا بي في بلدة قريبة

تلونت كل اسوارها بالاسود القاتم

عدما رأوا جوادي العتيق الابيض

انقضوا عليه وكأنهم رأوا عدوا مبينا

ذبحوه اشد ذبحة

ومثلوا بجثته امام الجميع

ومن ثم

علقوه على ابواب تلك البلدة العجيبة

.

كل شئ في هذه البلدة القريبة من بلدتي بعيدا عن المألوف

بعيدا عن كل ما تعودته من قبل

.

يقتلون الصادقين ويمثلوا بجثثهم

يلعنون الابطال وبطولاتهم

يشفقون على الصريح والواضح والشفاف

لانهم يعلمون جيدا انه سياتي اليوم الذي يقتل فيه

وتعلق رقبته على ابواب تلك المدينة

.

اخذوني وقيدوني بسلاسل سوداء

وادخلوني في مكان مظلم قاتم عتيق كجوادي

وربطوا في طرف لساني خيط رفيع

وسالوني

هل انت صريح ؟

قلت نعم

شدوا الخيط الرفيع

فقطعت معه قطعة من لساني

وسالوني ثانية

هل انت صادق ؟

قلت نعم

فشدوا الخيط مرة اخرى

وقطعت طرفة اخرى من لساني

وسالوني ثالثة

هل انت واضح؟

قلت نعم

فشدوا الخيط للمرة الثالثة دون شفقة او رحمة على لساني

فتمزق نصفه امام عيني وبين ركبتي

.

فاقترب مني كبيرهم

وشد على كتفي

وقال

.

الان

هل انت صريح

هل انت واضح وشفاف

هل انت صادق

.

لم اجاوب

فنصف لساني على الارض

.

فنظر الي وقال

حسنا

مرحبا بك بيننا

.

زائر من الجنة

.

بهاء عجمي

 

 

بسم الله

الاخ ميدو

دي اخر مرة حرد عليك فيها

عشان انت كداب

.

.

بالنسبة لموضوع الفيلا يا غالي

لما تبقى راجل دين

او بتقول على نفسك راجل دين

يبقى اكيد تعرف يعني ايه فقه اسلام وسنة نبي كريم

امر المسلمين بالاقتصاد والزهد

لو انا معايا الفيلا دي

عادي

شخص عادي

ايه المشكلة لما يبقى معايا مليون فيلاا

.

لكن لما اكون عامل فيها شيخ   (منصر)

وبقول اني رافع وحامل رايه الاسلام في مصر

يبقى اطبق الاسلام صح بقى

ع الاقل في سنة نبينا محمد

والا ايه رائيك

.

مش النبي برضو امرنا بالزهد والاقتصاد

لو واحد غيرو امتلكها مش حرام ولا عيب

اهو واحد مش ماشي بالسنة

لكن راجل دين وتمتلك مجموعة رعاع قصدي اخوان

وتقولي هو حرام التملك ههههههههههههه

ماتغيرش صلب الموضوع يا غالي

وافهم المقال كويس

.

لما عمرو خالد بيه الامور يتكلم عن النبي

وصحابة النبي

وهو مش عامل اقل حاجة من صفات النبي

يبقى مش داعية ذا مصداقية

يبقى بيشتغل الناس بقى

منين عمال تحببنا في النبي

وانت مش بتقتدي بيه

.

كان الاولى على مهدي بيه عاكف بتاعكم ده

انه يسمع كلام محمد

والا ايه رائيك برضو

ماتقوليش بقى يعيش في المكان الي يريحو وكدة

ما يعيش يا عم وانا مالي

بس مايجيش بقى يقولي انا راجل دين

فهمت ؟

.

.

والاصل في البنات المتبرجات

ان التبرج حرام

سيبك من انها بنت وكدة برضو كالعادة وعادة الاخوان

بتحوروا المواضيع

عاملين زي الحكومة بالظبط

.

هو مش التبرج حرام برضو ؟

اشغل ليه بقى واحدة متبرجة عندي ؟

ما اشغل بنووتة برضو وتكون محترمة شوية ع الاقل في لبسها وشكلها

مش انا بتاع اخوان واسلامي والكلام الكبير ده

.

بطلو تمثيل بقى

المبررات بتاعتك دي

تضحك بيها على واحد مش فاهم الاخوان على حقيقتهم يا شاطر

.

ردك برة الموضوع خالص

ال احنا مالنا بالفيلا

وال ايه  انت مش عايز البنات تشتغل

طيب يا نصير المراة هههههههههههه

ابقى قول للمراة بتاعة الاخوان تلم نفسها عشان شكلها وشكلهم بقى وحش خالص ها

.

اظن فهمت يا غالي يا باشا يا برنس يا نجم

يا اخواني

.

الذكاء السياسي انك تجيب مبررات بحق وحقيقي مش تشكك في الكلام

.

انا بسال

هو مش راجل دين

ازاي مش بيقتدي بالنبي في اقل امور الدين ؟؟؟

قولي صحيح

هو النبي كان بيقصر الثياب والا لا ؟

مهدي بيقصر ؟؟

لا

عارف ليه

عشان النبي كان مظهره وحش اكيد في نظر مهدي بتاعك ده

فمش عايز يعمل زيه

ويتحججوا بظروف البلد !!

مدام في واحد في البلد مقصر ثيابه

يبقى يقصر صاحبك مش يمثل علينا الدين

ده مثلا يعني

والباقية تاتي

.

اما في حكاية البنت المتبرجة

برضو دي كمان طلعتهالي من نطاق حرمانية التبرج

الى نطاق المراة الضعيفة وحرام ماتشتغلش

الله

انت فاكرني جاركم اللي تحتيكم حتضحك عليه بكلمتين والا ايه

.

بهاء عجمي يا شاطر

ماشي

بسم الله الرحمن الرحيم

وبه نستعين

أما بعد

.

واحد من الاخوان بيسالني بعد مقال امبارح

.

نفسي اعرف اتجاهك السياسي ايه بالظبط يا بهاء؟

ارد عليك!

بقلم / بهاء عجمي

.

.

الاخ العزيز / ميدو

واضح طبعا من اسمك قد ايه التاثير الايجابي اللي واضعينو فيك الاخوان يا ميدو هههههه

بص يا اخ ميدو

.

قبل ما ارد عليك في موضوع الاتجاه السياسي بتاعي او نهجي السياسي

.

احب ارد عليك في موضوع تكذيب حكاية غسيل الاموال دي

اي عيل في اي حارة يا غالي عارف ومتاكد ان الاخوان المسلمون

ايدهم مش نضيفة

والدليل على كدة

صيدلياتهم وشركاتهم المستترة تحت اسماء مجهولة

قولي بقى انهم بيدارو من الحكومة تحت الاسماء دي

.

تقدر تقولي الفيلا اللي عايش فيها مهدي عاكف

جايبها منين .؟

من ماله الشخصي

كان من الاولى على واحد بيقول انه متبع شرع ربنا

انه يراعي ربنا في البلد اللي مش لاقية تاكل دي ورايح هو قاعد في قصر

كان راح سكن في شقة ع النيل

اهو حنقولو راجل زهيد في الدين ممكن !!

.

مطبوعات الاخوان اللي بتتوزع داخل جامعات مصر ومدارسها ومنشاتها

واللي بتتكلف اكتر من تلاتة مليارات سنويا

بتيجي منين الفلوس دي ؟

جهود ذاتية للاخوان

انهم يرمو تلات مليارات في السنة على شوية ورق؟

تقدر تقولي لما مدرس ثانوي عام يدخل انتخابات مجلس الشعب

وتكون الحملة الانتخابية بتاعتو زي بتاعة كمال الشاذلي بالظبط

جاب الفلوس دي منين ؟

الاخوان بيصرفو عليه

طب والاخوان نفسهم جابو الفلوس دي منين انهم يصرفو على حملاتهم الانتخابية

في اكتر من 26 محافظة

وشوف كل محافظة فيها كام دايرة

وكل دايرة فيها كام اخواني بيرشح نفسو ؟!!!

ملاااااييين الملااااايييين يا غالي

منين ؟

يا تبرعات مننا عشان يودوها فلسطين

يا فلوس جايلهم من ايران وسوريا وقطر

اللي هما في المقام الاول دول اعداء لمصر

.

عايز تشوف البنت المحجبة اللي حاطة ربع كيلو ميك اب على وشها وبتقول انا اخواني انا اياني

ادخل اي صيدلية من صيدليات الاخوان وشوف مين اللي شغال فيها

ادخل اي شركة تكون متاكد انها تبع الاخوان وشوف مين شغال فيها

.

كان من الاولى بيهم انهم يشغلوا رجالة محترمين في ظل البطالة دي

مش يشغلو بنات متبرجة

ماهم اخوان بقى والدين والدنيا والكلام ده

والا الدين ده في اسطوانات كمبيوتر وخلاص في نظرهم

.

.

اما بخصوص اتجاهي السياسي يا غالي

.

انا واحد بحب مصر

بحب بلدي اللي انا عايش على ارضها

.

وبكره مبارك

وبكره الاخوان

وبكره جمال

وبكره الناس الغبية

اللي بتتبع ناس اغبى

عشان بيخدروهم بالدين

.

الاخوان لو مسكو البلد يا غالي

مش حتتحرر فلسطين

ومش حتتفتح ابواب الجنة لشباب مصر

الاخوان لو مسكو البلد

حاجة من الاتنين

يا حنرجعوا الف سنة لورا

يا حنرجعوا الف سنة لورا

اختار بقى انت وحبايبك الاخوان

.

تحياتي ميدو

في راجل اسمو ميدو ؟!

بسم الله الرحمن الرحيم

وبه نستعين

أما بعد

.

الاخوان المسلمون على جهل اكثر من غيرهم

.

بقلم / بهاء عجمي

.

.

بقالي كتير ماتكلمتش في السياسة

الظاهر اني حرجعلها تاني

ماهو لو زاد الشئ عن حده

بيبقى لازم وقفة يعني والا ايه ؟

...

ونجحوا الاخوان في فشلهم.

المقال ده رغم اني كتبتو من حوالي اكتر من خمس سنين

الا ان لسة بتجيلي رسايل على البريد بتتكلم عنه

.

افرد احد المرسلين عنوانا غريبا جدا

الاخوان المسلمون هم الكتلة الواعية سياسيا الوحيدة في مصر

.

انا بجد مستغرب

بناءا على ايه بيقولو كدة عن نفسهم

ده على اساس ان الاخوان المسلمون بسم الله ما شاء الله

حزب وله كيانو وله وضعو في البلد

.

مش حتكلم عن غسيل الاموال

مش حتكلم عن عقول شباب الاخوان التابعة لبعض المنافقين

والمتاجرين بالدين

.

انا حتكلم عن نقطة واحدة بس

.

الدورة البرلمانية اللي فاتت

نجحتوا وحققتم عدد لا بأس به من الكراسي

صح

عملتو ايه ؟

ولا حاجة

ولا حاجة هي حصيلة ثقة الناس فيكم

اقصد ثقة الناس في الدين اللي بتلعبو بيه كورقة في صفكم

.

ماشفناش الاحوال اتغيرت على وجودكم بكثرة في المجلس

بالعكس

الفساد زاد على ايديكم

.

يا اخواني ياللي بتقولو انكم مسلمون

.

الدورة البرلمانية التانية

مش حتحصلوا على ربع الاصوات اللي اخدتوها في اللي فاتت

لان الناس خلاص عرفتكم على حقيقتكم

انتم اصحاب مصالح شخصية

اموالكم

اشغالكم

ضمايركم

دليل على كدة

.

متابع دايما اصواتكم في البرلمان

ولا صوت فيهم ناجح

ولا صوت فيكم ثوري ومؤثر

.

شالو الضو حطو شاهين

شاهين قال مانتوش لاعبين

.

دور عبيط وهايف واهبل اللي بتلعبوه في مصر

تضليل عقول الشباب اللي لسة مادخلوش مجال فكري مضمون

تضليل الرأي العام الضعيف على امل منكم انه اكثر تعدادا

.

ماتختلفوش كتير عن غيركم من المنافقين

.

الاخ القاهري

محسن الشلتاوي

رسالتك وصلت

وفهمت منها

انك للاسف مضحوك عليك

عشان شوية ورق بتقراهم في الجامعة

او عشان بنت محجبة وحاطة تمن كيلو ميك اب بتكلمك على انها اخوانية

انا مش عارف دين ايه ده

.

في يوم من الايام وهنا في المدونة

وتحت عنوان

الاخوان المسلمون..عقول خاوية الا من الحقد

رديت عليا برضو سيادتك

برد غريب جدا

تحب اعرضو للناس عشان يعرفو الاخوان على حقيقتهم

المشكلة

اني بشفق عليكم والله مش زعلان منكم

لان خشارة شباب في سنكم

المفروض ان هما اساس المستقبل

يكونو منقادين بالطريقة دي

ربنا يهديكم يارب

والله المستعان

.

تحياتي

بهاء عجمي

بسم الله

.

عذرا لحماقتي

.

فقد أحببت في زمن

لا يصح فيه الا الكراهية

.

وصدقت في زمن

لا يسري فيه الا الكذب

.

وبنيت احلاما في زمن

لا تبنى فيه الا الكوابيس

.

عذرا لحماقتي

.

فقد عشت في زمن

لا يعيش فيه الا المنافقون

.

وحييت في زمن

لا يحيا فيه الا الخادعون

.

وفتحت قلبي في زمن

لا تفتح فيه الا ابواب الكراهية

.

عذرا لحماقتي

.

فقد وثقت في اشخاص في زمن

لا يصح فيه الا الحرص من البشر

.

وتناولت طموح في زمن

لا يتناول فيه الا الاحقاد

.

بل انني

واكاد ان اجزم

أتيت وولدت ورزقت وعشت ..في زمن

لا تأتي فيه

ولا تولد فيه

ولا ترزق فيه

ولا تعيش فيه

الا

الــــبــــشـــر

وما اغربهم من بشر

خلقهم الله ليكونوا مصدر لكل الاساليب المنحطة في الحياة

الكذب

النفاق

الرياء

الخداع

الكراهية

الحقد

الغيرة

الحسد

القتل

الخيانة

.

ياله من زمن

ياله من زمن

.

عذرا لحماقتي

بهاء عجمي

 

بسم الله الرحمن الرحيم
وبه نستعين
أما بعد
....
أنثى القدر
من سلسلة (قتلتني وتعتذر؟!)
بقلم / بهاء عجمي
.

.

.
كل هؤلاء البشر ينظرون اليها
حتى انا
انظر الى طفرتها الرائعة الجمال
انها حقا انثى
بمعنى الكلمة
.
كل هؤلاء الناظرون المنتظرون تلك البسمة
متفاءلون لان تقع نظرتها عليهم تارة ما
.
يالعيناها الجميلتان
يالشفتاها الرائعتان
.
في حياتي وطوالها
لم ارى قط بسمة مثل هذه التي اراها على عينيها
في حياتي وطوالها
لم المس بقرة عيني نظرة كهذه التي المسها من خلال عيونها
في حياتي وطوالها
لم يلفت انتباهي ابدا امراة كهذه التي ارى
.
.
الكل ينظر معي والكل يشترك معي في نظرتنا اليها
ولكن كانت نظرتي مختلفة
.
فلم انظر فقط الى انوثتها المتمثلة في رونق جسدها الملهم
ولم انظر مثلهم الى تلك الخيوط الرقيقة التي غزلت خلال فستانها الانيق
.
بل كل ما انظر اليه في هذه اللحظة التي اتمنى ان تدوم دهرا
هو
هوائها
نعم
كان الجميع مندهشا من نظراتي الغريبة الاطوار
فلقد رائيت ولاول مرة في حياتي ارى هواءا
اويرى الهواء ؟
نعم يرى الهواء حين يطل من نافذة كهذه التي بين شفتيها
يرى الهواء حين يندثر على اعناقنا من فرط شوقنا اليها
يرى الهواء
لان لا شيئا في الماديات يوصف رونقها وبهاءها
.
لذلك قررت وانا بكامل قواي العقلية
ان لا اتطرق الى ما يتطرق اليه الجميع
قررت وانا بكامل قواي العقلية
ان لا انظر الى تلك الخطوة الانثوية الخفيفة الطائرة
قررت
ان لا انظر الى عين كهذه حتى لا اعشق لؤلؤءها
.
يالها من انثى
يالها من انثى
تجمعت كل البراءة في نظراتها
تداولت كل الرقة في ابتساماتها
توارت كل الجميلات امامها
انها انثى القدر ما ارى
.
.
استجمعت شتات نفسي سريعا حتى لا اضيع مني فرصة كهذه مندهشا فقط
استجمعت خطواتي ونظراتي وشهقاتي ودقاتي
ووضعت كل هذا
في الجانب الاخر الذي لا ينظر اليه الجميع
داخــــلــــهـــا
.
ماذا بداخلها ؟
ماذا تحمل انثى كهذه من اصول داخلية
.
.
هل ينبض قلبها مثلنا نحن البشر
هل تملك بين طيات جسدها الممشوق هذا اعضاء كاعضاءنا نحن البشر
.
ما هذا الذي ارى ؟
.
شعر
كثيف وقاتم وناعم ومتلألئ
.
جبهة
عارية الا من البياض ونصاعته
.
عين
تحمل الوانا متعددة وليس لونا واحدا مثلنا جميعا
.
انف
منمق ويكفي هذا من وصف لما رايت
.
خدود
بها وجهة نظر اخرى غير التي الفناه في غيرها من النساء
.
وها هنا يكمن السر والاسرار والكنز والكنوز
.
يكمن كل هذا في
شفتاها
حين رايتهم للوهلة الاولى
ادركت ان كل النساء لا يحملون الا قطع بلاستيكية ومطاطية حمراء
اما تلك الانثى
فتحمل شفاه حقا
.
.
الان ادركت ما معنى ان تحب شيئا حتى العشق والجنون
الان ادركت انني ما كنت انظر ابدا الى نساءا من قبل
.
الان
والان فقط
ادركت انها
انثى القدر
.
انـــثـــى الـــقـــدر
.
ما بالكم لو اتخذ القدر انثى له ؟
في اعتقادكم
كيف سيكون شكلها
كيف ستكون ابتسامتها
كيف ستكون رقتها
واين ستكون مواطن انوثتها ؟؟؟
...
..
.
ليتني انعم بتلك الانثى حتى اخر يوما في حياتي
ليتني ما نظرت اليها حين رايتها ورايت الناظرين اليها
ليتني كنت القدر !!
.....
..
.
انثى القدر
هي امرأة
ليس لها وجه ابيض وشعر ناعم وكثيف وقوام ممشوق فحسب
بل هي امرأة
لها وجه ليس له لون
لها شعر ليس له نطاق نعومه
لها قوام يغري حتى النساء في النظر اليه
.
.
كل هذا
وقد نظرت الى داخلها
فما بالكم
لو نظرت الى رونقها مثلما فعل الجميع ويفعل
.
انثى القدر
.
تحياتي
بهاء عجمي

بسم الله الرحمن الرحيم
وبه نستعين
أما بعد

.

قــــــــــــذرة

.

إهداء الى أحط مخلوقة في التاريخ البشري

صدق من اطلق عليكي إسم حيوان

.

بقلم / بهاء عجمي

.

.

ماذا اقول
وما يريح القلب من كلام؟
لا شئ!
.
لا شئ يوصف ما مررت به معك
لا شئ يوصف مدى قسوتك وغدرك
لا شئ ينهي علاقتك بالخيانة او يبرئك منها
لا شئ ينفع معك سوى الأهانة
وللاهانة كلمة
.
قذرة
..
ايام عشتها معك
ايام حب وهيام وعشق وامتنان
ايام خوف عليكي وايام قرب منكي
وايام تحول مشاعري منكي واليكي
ايام عشتها وياليتني ما فعلت
او
ياليتني كنت فعلت غير ما فعلت
فلقد فعلت
الحب
الصدق
الوفاء
الامانة
الاخلاص
.
كل هذه افعالي
اما افعالك
.
قذرة
.
حلم كونته معك
حلم برئ جميل بعيش حياة رتيبة ومرتبة
حلم قوي ضعيف منظور محسوس ملموس
حلم بنيته وبنيته فهدمتي كل شئ
حلم حلمته وياليتني ما حلمت
او
ياليتني كنت حلمت غير ما حلمت
فلقد حلمت
بالامان
بالحنان
بالمستقبل المشرق
حلمت بكي
كل هذه احلامي
اما احلامك
.
قذرة
.
قدر وجدته بك
قدر غامض غريب مفعول بنا
قدر واضح وظاهر ولا يخفى عن الشجعان
قدر غير معلوم العواقب
قدر زرعته فينا الايام وقدرته
قدر قدرته وياليتني ما قدرت
او
ياليتني قدرت غير ما قدرت
فلقد قدرت
سعادة
هناء
صفاء
لقاء
هذه هي اقداري
اما اقدارك
.
قذرة
.
طموح حملته اليك
طموح كبير واع مشرق
طموح هادئ ورزين ومتماثل
طموح بعيد المدى
طموح ظننت انه يليق بكي
طموح طمحت فيه وياليتني ما طمحت
او
ياليتني طمحت غير ما طمحت
فلقد طمحت
ريادة
ونفوذ
وتاريخ
وثقة
وبيت
وحديقة
تلك هي طموحاتي
اما طموحاتك
.
قذرة
.
أعمال عملتها من اجلك
اعمال خير وطب وديكور
اعمال كثيرة كبيرة مفعمة بالحياة
اعمال غالية مكثفة مكلفة
اعمال غنية عملتها لشخصك
اعمال عملتها وياليتني ما عملت
او
ياليتني عملت غير ما عملت
فلقد عملت
اب
واخ
وحبيب
وعمر
وحياة
هذا ما عملت
اما اعمالك
.
قذرة
.
قذرة
.
.
يقولون ان الجزاء من جنس العمل
.
فأنظري ماذا عملت انا في ايامك
انظري ماذا حلمت انا من اجلك
انظري ماذا طمحت انا في شخصك
وانظري ايضا ماذا فعلتي
....
...
قذارة وقذارة وقذارة
.
وان كان الجزاء من جنس العمل
فسيكون جزائي.....(بإذن الله)
عمل اخر
و
حلم اخر
و
طموح أخر
و
حياة أخرى
لمن يستحقها غيرك
.....
....
اما جزاءك.....(أدعو الله)
ان يكون
جزاء
قذر
...
..
.
قتلتني وتعتذر؟!
تحياتي
بهاء عجمي

بسم الله الرحمن الرحيم
وبه نستعين
اما بعد
.
.
مشاعر بلا احاسيس
بقلم / بهاء عجمي
.

.

.
ما هذا الشعور الغريب الذي اشعر به ناحية البشر جميعا
ما هذه النظرة الكئيبة التي يرمقني بها الاخرون
.
تظهر المشاعر على مواطن وجهي واحدا تلو الاخر فتفضحني
وكأني اقول للجميع بل واثبت لهم
انني عاشق
.
هل في هذا تهمة ؟
.
الكل يعلم جيدا ان العشق هو اسلوب منفرد يعزفه العاشق على انامل الحرمان والشوق
والكل ايضا ينظر الى العاشق على انه الانسان الضعيف التعس الذي لا حول له ولا قوة
.
هل اصبح الجميع يابسون لا اخضر فيهم ولا ماء
هل اصبح الحب والعشق والشوق والحنان
كلمات نسمعها فقط او نقولها فقط
ولا نفعلها
.
وليس عند هذا الحد فقط
بل اننا نلعن اي انسان يحمل بين طيات فؤاده تلك المعاني النادرة
.
انت تحب
اذن انت تحمل مشاعر
اذن انت تعشق
اذن انت رومانسي
اذن انت انسان
.
ونحن لا نريد الانسان بيننا
نحن لا نريد تلك الكلمات الغريبة على مسامعنا
.
نحن البشر
نريد
الحقد
الكره
المغالاة
النفاق
الرياء
الكذب
الزيف
.
فلا تحب يا هذا ولا تدرك معنى الحب امامنا جميعا حتى لا نكرهك
.
والله اصبحت اخلاق معظمنا بهذا السوء
نخشى الحب
ونخشى اساليبه
.
نخشى ان نقع في الحب وسط إناس اخرى نخشى منهم في المقام الاول
وكيف احب وانا احيا وسط هؤلاء الغريبين الاطوار
كيف احب وانا احيا وسط هذا الجمع من اللارومانسيين
....
.
حين امر على جمع ما
ينظر الي احداهم ويضحك
وفي باله
كلمة واحدة
يالك من محب تعيس
!
حين اجتمع مع جمع ما
ينظر الي احداهم ويضحك
وفي باله
كلمة واحدة
مسكين يا من تحب
!
حين اكتب واكتب واكتب مشاعري
يكتب الي الجميع
وفي بالهم
كلمة واحدة
هذا يحب..
!
نعم
بالفعل
انا أحـــــــــب
.
واحيا بهذا الحب
واحيا لهذا الحب
ومن اجله اعيش
.
نعم انا احب
ولا اخشى من هذا الحب
رغم اني اجهله واجهل اقداره
لكنني احب
.
وابشركم ايها الناظرون الي والى ضعفي في العشق
ابشركم ايها الهمجيون الفاشلون في الحب
.
مشاعركم
بلا احاسيس
.
مشاعركم بلا احاسيس
.
هكذا ظهرتم جميعا امام عيني ومقلتي
هكذا هي نظرتي اليكم
.
تملكون قلوبا حمراء
يسكنها السواد القاتم
.
تملكون حواس خمس
يتملكها الكأبه والغل
.
هكذا باتت حياتكم بلا حب وستستمر
دون شفقة على قلوبكم او رحمة
دون محبة من اهوالكم او رحمة
.
تقتلون الحب وامعانيه
املين في ان تتمسكون بكل ما اوتيتم من قوة
لان الحب في نظركم
ضـــعــــف
.
ان تقول احبك لشخص ما
فانت تضعف
ان تحتاج الى شخص ما
فانت تضعف
ان تشعر بشخص ما
فانت تضعف
.
ما هذا التفكير السيئ الذي بداخلكم
ما هذا الكفر المبين الساكن اعماقكم
.
اوتدرون
اوتعرفون
اوتعلمون
.
ما معنى كلمة حب
ما معنى كلمة عشق
ما معنى كلمة هوى
.
تلك هي الكلمات التي اتحدث بها انا دون غيري
تلك هي معانيا واحلامي وطموحاتي
.
.
اما احلامكم
وكلماتكم
وطموحاتكم
فهي
.
سراب
وتراب
وموت
.
فهنيئا لكم احلامكم
وهنيئا لي احلامي
.
مشاعر بلا احاسيس
بهاء عجمي