بــهــاء عــجــمــي..الرأي السياسي

إنتظروا جديد مدونة الرأي السياسي

ايها السعوديين لا تنسوا هذا الفضل

..

ردا على حديث الهبلاء منهم ممن ينعتون المصري بما ليس فيه ؟؟؟

..

.

يقدمها / بهاء عجمي

ونجحوا الاخوان في فشلهم
الاخوان المسلمون على جهل اكثر من غيرهم
فتنة الاخوان ولعنة الاخوات
وسقطت ورقة التوت عن الاخوان الملثمون!!
.
بقلم/بهاء عجمي
.
.
من غير صورة...بيتهيالي ينفع برضوو!!
....
...
.
كل العناوين اللي فوق دي وغيرها كتير جدا جدا جدا
كانت بذرة اساليبي لنقدي (الغريب على حد قولهم)
لفكرهم وعقولهم وشبابهم وفطنتهم
الاخوان المسلمون
.
واحد حيجي يقولي انت مالك بالاخوان يا اخي ما تشوف الحكومة بتعمل ايه
وانا ارد اقوله (ما اصخم من جراند فازر الا جراند مازر)
يعني مصيبة الاخوان والحكومة مصيبة واحدة
الاتنين كيانين بايظين متخوخين .....ايه يا انكل بهاء الالفاظ الغريبة دي
..
اصلي بصراحة مش قادر امسك نفسي
من قيمة كام يوم كدة قعدت افتش وافتش وافتش ورا الاخوان كالعادة يعني
ومن ذكائي الخارق روحتلهم في عقر دارهم
وقابلت منهم حوالي خمس اشخاص
بس شخصيات ايه ...وشك وشك يعني
ناس فاهمة ومتعلمة ومثقفة...لا ليهم لا في التوور والا في الطحين ولا حتى في الجبنة الرومي (التركي يعني )
.
.
واتكلمت معاهم كتير جدا
عن الفكر الثوري
عن ختان الاناث
عن ايران وفلسطين ولبنان
...
وبصراحة يعني عشان مابقاش ظالمهم
الناس كرموني اخر كرم
اه صحيح كان في ضمن الخمس شخصيات العظيمة دول بنتين زي القمر
واحدة متبرجة نص نص والتانية متبرجة (ك؟ ك؟)
...
نيجي لمحور حديثنا
عقول الكوادر الاخوانية المسماه (زنخورة)
عارفين الاخوان قالوا ايه عن الفكر الثوري
الفكر الثوري ده عبارة عن شوية شباب وعايزين يعملوا ثورة ههههههههههههههههههههه
والله العظيم ما بهزر ....والله قالوا كدة
لا والادهى من كدة ايه
شوفوا رايهم عن مشكلة فلسطين
بسلامتهم شايفين ان حماس هي الكل في الكل وهي التمام قوي ويا عبد المتعال الحق مراتك وجوزها عبد العال
ايه يعني حماس بتقتل ابرياء....ماهي بتدافع عن حقها
(كات كسر حقها)بضم الحاء اء اء اء
....
موضوعنا
اتكلمت معاهم كتير عن النقاط الكتيرة جدا اللي انا شايفها فيهم غلط
ومش اعوذ بالله من كلمة انا (انا مش كخة لامؤاخذة)
كل افكارهم في ردهم عليا عبارة عن تلات حاجات وبس
الاولى
احنا بنعمل مظاهرات
الثانية
احنا بنعملوا مظاهرات
التالتة
مش احنا عملنا مظاهرات
....
نورت المحكمة يا استاذ مهدااان
....
...
.
المهم تقعد تقنعهم انت بالدليل والحجة والحقايق
واللي يجنك انهم بيقتنعوا بفكرك واسلوبك
لكن تقول ايه
الحقد مالي وموزمبيق قلوبهم
انت مابتفهمش
ومالو
انت بتتكلم وخلاص
برضو ومالوو
...
ويحاولوا يدوروا على اي حاجة فيك غلط عشان يمسكوها عليك
(يمسكوها عليك مش على فكرك ها فهمتم )
.
.
مانت الفاظك بذيئة في مقالاتك
الله بقى طب وانتم مالكم بالفاظي البذيئة
انا مجرد فرد في مجتمع
مش كيان في دولة
....
مانت بتشرب سجاير
والله بطلتها هههههههههههه طب وافرض بشربها
مال السياسة ومال السجاير
يا اخوان يا مسلمون حبقى اشرب بلمونت عشان تنصلح حال البلد
....
..
.
قبل كدة كنت اتكلمت مع قيادي اخواني من القاهرة كان اسمو خالد ابو المجد
اتكلمت معاه عن مشكلة حركة كفاية (الخوارج)...انا مسميهم خوارج حد مشاركني
المهم
الاستاذ خالد ابو المجد شخصية مهذبة ومحترمة
وده اتي من انه راجل خريج هندسة ومهندس ومحترم مش لانه اخواني يعني
المهم
رد الاستاذ ابو المجد عن سؤالي على الخوارج بالاتي
.
ماعندهمش ثقافة سياسية تتيح ليهم الفرصة انهم يمسكوا الحكم
كلام جميل اوي يا بيبوو
.
الاخوان بقى عندهم ثقافة سياسية؟؟؟؟؟؟
.
حد يعبر اهلي
الاخوان عندهم ثقافة سياسية ؟؟؟؟
.
سؤال لكل مواطن هندي ...قصدي مصري
...
هل الاخوان المسلمين بقيادتهم وكوادرهم يملكون من الثقافة السياسية ما يمكنهم من السعي وراء حكم دولة ما يتعدى افرادها السبعين مليون مواطن مطحون؟؟؟
.
.
.
الاجابة حتلاقوها في المقال اللي جاي
اللي مش بيعرف يقرا لغة عربية فصحى مايدخلش المقال اللي جاي !!
باي
يووه
ايه باي دي
لحسن الاخوان يقولوا اني بقتدي باليهود (شالوم)
نقولوا السلام عليكم ورحمة الله وبركاته
.
و
تحياتي
بهاء عجمي

بسم الله الرحمن الرحيم
.
.
أبواب السياسة المغلقة.!!(الحلقة الأولى)
يقدمها لكم / بهاء عجمي
.

.

اخواني واخواتي زوار مدونة الرأي السياسي الابرار
صادفنا نحن القائمون على هذا الصرح المتواضع (مدونة الراي السياسي)
في الأونة الاخيرة كثير من الانتقادات المتعلقة بمحتوى المدونة من المواد الخاصة
بترتيب السياسة الداخلية والخارجية على حد سواء
..
فهناك من رفض فكرنا المناهض لقيادات اعلامية معروفة
امثال
عمرو خالد وعمرو اديب
وهناك ايضا من نعت فكرنا بالمتحيز تجاه القضايا الخارجية المصيرية
قضية فلسطين وقضية سوريا وقضية لبنان والعراق
...
وبما اننا نقوم ببناء صرحا متواضعا جادا منصفا
في كافة قضايانا المعروضة هنا
فكان منا الرد على كل تلك الاتهامات والاراء المحبطة للادء الفكري التابع لنا
..
.
واخترنا ان يكون الرد منطقيا وشفافا الى درجة لا يتخيلها اي معارض ومناهض لفكرنا الواضح
.
قررنا ان يكون ردنا عبارة عن
سلسة حلقات نتحدث فيها عن ماهية السياسة
وردة فعل القائمين عليها سواء كانوا قياديين او كوادر او حتى احزاب
...
سنعرض عليكم على فترات منتظمة
رؤيتنا لمفهوم السياسة المتعارف عليه
ومفهوم السياسة الغير متعارف عليه
.....
سنفتح معكم ابواب السياسة المغلقة امام وجوهكم جميعا
حتى نتيح لكم الفرصة كاملة لفهم منطقنا السياسي
وبالتالي الوقوف على افكارنا وقفة محايدة
وربما فهمها الفهم الجيد
...
وعليه
سنشرح لكم في خطوات مرسى ومعنى ومغزى
كلمة السياسة
ومفهوم العلوم السياسية
وما يميز علم السياسة عن باقية العلوم الاخرى
..
فتابعونا
وانتظروا جديدنا دائما بالخير
...
مع تحيات
مدونة الرأي السياسي
..
.
اخوكم
بهاء عجمي

احبائي
استمعت الى رسالتكم وفيها العز والايمان
فانتم مثلما قلتم رجال الله في الميدان
..
ووعد صادق انتم وانتم نصرنا الاتي
وانتم من جبال الشمس عاتية على العاتي
..
بقلم / بهاء عجمي

. 

.

لا اعرف ما سبب هذا الهجوم الرهيب على قيادات وكوادر حزب الله اللبناني
من كل المحافل الدولية والعقول الشبابية في معظم المجتمعات العربية
...
ولا اعرف ايضا ما سبب تفهم الموقف القائم على الحدود السياسية
اللبنانية السورية هذا الفهم الخاطئ الغريب ؟
.
حزب الله شيعي
حزب الله غلط.حزب الله حرام.حزب الله كخة!!!
هجوم غريب على مقاومة اسلامية وبالكاد هي مقاومة عربية وبالتحديد
...
حزب الله يتعاون مع ايران رأس الفساد والأرهاب
حزب الله يتعاون مع سوريا المتعنتة المتدخلة في الشئون اللبنانية
...
اذن دعونا نحلل الموقف
هل وقف جنود حزب الله وجها لوجه في مواجهة اي جندي عربي اخر
ام انهم وقفوا وقفة رجلا واحدا في وجه عدونا الصهيوني المشترك
.
هل ان ساعدت ايران حزب الله ومدته بالسلاح والتدريبات
تكون ايران قد اقترفت ذنبا عظيما في حق الكون
انها تساعد فئة عربية ما اذن لماذا التشنج الغريب والهجوم على ايران
...
هل ان وقفت سوريا بجانب حزب الله حربا وسياسة
تكون سوريا بهذا المنطق متدخلة في الشئون اللبنانية الغالية والعزيزة ؟
...
من من العرب جميعا ملوكا ورؤساءا
وقف وقفة صريحة ضد العدو الاكبر الامريكي والعدو المنظر الاسرائيلي
غير هذه الجهات
سوريا ,ايران , حزب الله
من من العرب جميعا ذوات الجلالة والفخامة والسمو
تجرا فقط على معاداة امريكا واسرائيل
من من العرب جميعا رؤساء
مصر والسعودية والاردن
لم يقبل الايادي الامريكية والاقدام الاسرائيلية في الشرق الاوسط ؟
لا احد!!
كلهم عملاء
كلهم جبناء
كلهم مناجيس
....
ويلقون باللوم الان على الرجال الوحيدون الذين احدثوا تغييرا ولو بسيطا في مجرى الاحداث
تعلو الاصوات المصرية بان حزب الله على باطل الباطلات
تتزيف وتتزين الاصوات السعودية لتنكيل رؤوس السوريين في كل مكان
تتهافت الاصوات العربية لنكبة ايران ونجاد
....
امر غريب
اذا كان حزب الله شيعي في المقام الاول
فهو عربي في المقام الثاني
اما امريكا
فليس لها بيننا مقام اول او ثاني
...
اذا كانت ايران شيعية في المقام الاول
فهي عربية في المقام الثاني
اما امريكا
فليس لها بيننا مقام اول او ثاني
...
اذا كانت سوريا متدخلة في الشئون اللبنانية في المقام الاول
وتحمي مصالحها داخل لبنان في المقام الثاني
وتغتال اصدقاء الصهاينة في المقام الثالث
فهي ايضا عربية في المقام الرابع
اما امريكا
فليس لها بيننا اي مقام من الاربعة !!
...
اذن لماذا نصب غضبنا وكرهنا على المتحرك الوحيد العربي بيننا
لماذا نعلق شماعات سلبيتنا وجمودنا وجبن وعمالة زعمائنا
على الشئ العربي الوحيد او النطاق العربي الوحيد الذي يخدم مصالح الشرق الاوسط القديم
......
تقولون ان حزب باطل كل البطلان وظالم كل الظلم
وكم من طفل استشهد جزاء غباء قيادات حزب الله وافعالهم ؟
الكرامة تضحية احبائي
هذا حزب وقف وحيدا في وجه امريكا واسرائيل وبعض اعداء لبنان اللبنانيين
هل كنتم تنتظرون منه ان يخرج من الحرب بدون خسائر
نعم تكبد حزب الله خسائر معينة في الارواح المسكينة والاطفال البائسين
ولكن
انظروا ماذا تكبدتم انتم طوال سنينكم العجاف؟
ماذا تكبدتم ؟
ماذا تكبد كل العرب الجبناء الخونة من ظل غبائهم السياسي وعمالتهم لامريكا واسرائيل
ماذا فعلتم لموتى وشهداء واسرى فلسطين
ماذا فعلتم لاهل العراق وقطن العراق وزيت العراق  وصدام العراق
....
جميعكم جبناء
والان تصبون غضبكم على المتحرك الوحيد بيننا
جميعكم عملاء
وتصبون غضبكم على الشجاع الوحيد بيننا
جميعكم خون
وتصبون غضبكم على الوحيد الذي لم يخون بيننا
.....
افيقوا يا شباب الوطن العربي
افيقوا يا من تنعتون حزب الله وايران وسوريا بالعملاء والخونة
افيقوا من ظلم روؤساءكم لكم
افيقوا من تخلفكم الفكري
افيقوا من غبائكم السياسي
....
عدونا عدو واحد
ومن يقف ضده
فهذا حبيبي
قديما تعاوننا مع روسيا برغم انها ليست عربية وليست اسلامية
ولكننا تعاوننا معها ضد الانجليز والفرنسييين
والان
تنعتون المتعاون مع نفسه وذاته بانه على خطأ جسيم
...
عذرا
حزب الله عدو لامريكا واسرائيل
اذن فهو حبيبي
سوريا عدوة لامريكا واسرائيل
اذن فهي حبيبتي
ايران عدوة لامريكا واسرائيل
اذن فهي حبيبتي
...
بصرف النظر عما تتخلله الاحداث
بصرف النظر عن تعليقكم الغريب على تحركاتهم وجمودكم
....
جبناء وعملاء وخونة...وتحقدون على الشجعان
هذا رأئي في كل انسان لا يعجبه تحرك الشجعان
..
تحياتي

.

بهاء عجمي

حماس وفتح

بجد بجد يعني

كاتكم نيلة عليكم وعلى اللي جابكم

بقلم.../ بهاء عجمي

.

امر غريب
صديق فلسطيني بيبعتلي ويقولي
او بمعنى اصح بيبرر الممارسات اللي بتعملها حماس ضد اهل غزة
وطبعا انا مش بنكر خطأ فتح الجسيم والكبير
بس برضو انا عمري ما حغفل خطا حماس الفظيع ده
في استعمال القوة والسلاح ضد افراد يحملون الهوية الفلسطينية مهما كانت المبررات
وعبارة عن ايه المبررات دي
اولا
فتح
ابتدت تلعب على وتر الانفتاح الاسرائيلي او على ما اظن واعتقد
ان فتح ابتدت تتنازل عن اصول كتيرة في الهوية الفلسطينية
وده طبعا غلط كبير جدا 
لان الهوية الفلسطينية دي هي اساس القضية بتاعتنا اللي بنتكلموا فيها
ثانيا
فتح
ابتدت تقريبا تعمل زي ما مصر بتعمل
تحجيب الدين عن الممارسات اليومية
البعد كل البعد عن الحديث والخطاب الديني في التوعية حتى الاجتماعية
الحد من الاعداد المصلية في مساجد غزة
ثالثا
فتح
تتفق مع قيادات مصرية وقيادات اسرائيلية
لتهميش دور حماس دوليا والزج بهم في اطار الغير مشروعية
وده طبعا تصرف غريب جدا بتعمله فتح ومصر ضد حماس والقضية كلها
....
دي بعض او اهم المبررات اللي بعتهالي احد الاصدقاء الفلسطينيين من زوار المدونة
واكيد طبعا لينا وجهات نظرنا في الموضوع ده
سواء كانت اراءنا تصب على غباء فتح
او تعنت حماس
....
...
..
اولا
مافيش اي مبرر في الكون كله
يتيح لاي منظمة المفروض انها اسلامية
انها تقتل وتدبح وتغتال وتعتقل وتذل
افراد مسلمين وعرب ومن نفس النسل والهوية
....
ولو كانت حماس عندها مبرراتها الغريبة والغير مقبولة بالمرة
برضو بكرة تطلع عليا فتح بمبررات تانية وبرضو حتكون مش مقبولة بالنسبة لينا
المشكلة في ايه بقى ؟؟
ان لا فتح ولا حماس
عندهم ادنى استعداد انهم يقدموا اي تنازلات في صاللح القضية الفلسطينية
انا مش بتكلم عن تنازلات مخيبة للامال او مهملة للكرامة
انا بتكلم عن تنازلات في وجهات النظر مش في الاساسيات او المبادئ الرئيسية بتاعتهم
.
.
مثلا
القوة التنفيذية
حماس عايزة تنشر قوة تنفيذية في كافة انحاء غزة والضفة وفلسطين كلها
وده طبعا شرعيا وقانونيا مش مسموح
وفتح طبعا مش عاجبها الوضع ده
..
وهنا في حاجة مهمة
هي يعني القضية الفلسطينية كلها متوقفة على موضوع القوة التنفيذية دي؟؟؟
ارحموونا بقى
ايه يعني لو حماس ماتهببتش على عينها مانشرتش القوة دي
وبرضو فيها ايه يعني لو فتح وافقت ان حماس تنشر القوة دي
السبب حيكون واضح
انهم مش عايزين مصلحة فلسطين والقضية
كدة يبقى هما الاتنين عايزين مصلحة نفسهم وسلطتهم وخلااص
بصرف النظر بقى عن قوة تنفيذية قوة هندية قوة افشخاناتية
..
يعني الاتنين  بكل خبرتهم السياسية دي
واللي عاشوها في الفترات الماضية الكتيرة والكبيرة دي
مش عارفين يفكروا كويس في حل قضية صغيرة جدا
بعيدة كل البعد عن القضية الاساسية
واللي اتعمل كيان فتح وحماس من الاصل يعني عشانها
القضية الفلسطينية
الاحتلال
الاراضي المغتصبة
الاسرى
الشهداء
بجد يعني
حرام اللي بيعملووه فينا ده
سواء كانت حماس غلط ولا صح
سواء كانت فتح غلط والا صح
مش معقول يعني
ان فلسطين كلها بمشاكلها بهمومها بناسها بشهدائها
وقفت على مشكلة عبيطة زي دي
بجد
مافيش ولا واحد سياسي حاليا في فلسطين
انا مش عارف فين صائب عريقات
وفين امجد المصري
وفين فاتح الموصلي
فين الناس السياسيين الكبار دوول
اكيد عندهم حلوول
مش عارف ساكتين ليه ومسلمين ليه للامر الغريب
هنية متعنت جدا جدا وده واضح
خصوصا بعد الممارسات الاخيرة يوم الجمعة ومنع الناس من الدخول الى المساجد
ده اسلوب اسرائيلي
اسرائيل نفسها كانت بتعملوا معانا واحنا كنا بنغضبوا ونثوروا
سوري يعني
بعد كدة لو اسرائيل منعتنا من الدخول للمساجد
محدش يبقى يكلمها
لان حماس اهي
اللي هي بتحمي الفلسطينيين المفروض يعني
بتمنعهم من دخول المساجد عشان اسباب هايفة وعبيطة
وابو مازن
شخصية لئيمة جدا جدا
بيفكرني بوليد جنبلاط بتاع لبنان
عنده استعداد يحط ايده في ايد اي صهيوني
عشان يكسر شوكة اعداءه
واعداءه مين هنا؟
حماس
يعني فلسطين
يعني القضية
يعني من الاخر كدة
عليه العوض في فلسطين كلها
مدام فيها غباء سياسي زي ده
...
هنية وابو مازن
عايزين تحلوا قضية فلسطين والا لا ؟؟؟
لو عايزين تحلوها
بطلوا غباء سياسي وتعنت وتصلب فكري
ولو مش عايزين تحلوها
ماتجوش بعد كدة
تقولوا مصر خاينة وعميلة
والسعودية وحشة وكخة
والاردن ياااي وماااي
....
لما انتم نفسكم بتاكلوا في بعض
عايزين شوية عملاء وخونة زي مبارك وملوك العرب يقفوا معاكم ازاي ازاي ازاي ؟؟؟
....
..
.
بجد
مكنتش اتمنى اني اشوف اللي شوفته النهاردة في الفضائيات
رجالة في عز شبابها وفي قمة قوتهم
عمالين يضربوا ويقتلوا شوية مسلمين معزولين من السلاح
بجد
انتم غلبتم امريكا في الارهاب بتاعها
...
..
لما تحلوها من جواكم
انتظروا مننا وقوف جنبكم
واحنا مش حنتخلوا عنكم حتى في اللحظة دي
ادينا برضو بنعملوا اللي علينا
واللي علينا في الوقت ده
حاجة واحدة بس
اننا نديكووا فوق دماغكم بالجذم لحد ما تتعدلوا انتم الاتنين
فتح وخرة حماس
يللا
غوروا
...
..
.
بهاء عجمي

بسم الله الرحمن الرحيم

وبه نستعين

اما بعد

السلام عليكم ورحمة الله وبركاته

دعوة مفتوحة للانضمام لحزب الرأي السياسي

تحت شعار لن توهب الحياة لمن ليس له لسان

وبمبدا شباب+عمل=مستقبل .................. يقدمها / بهاء عجمي

.

دعوة مفتوحة
.
لما كان الشباب هو عصب الامة ومستقبلها
ولما كان العلم هو ميثاق العقل ومذهبه
ولما كانت الحرية هي مبغى الجميع ومرجاه
...
فكان من الاولى بنا نحن الشباب ان نقدم اوراقنا 
الى هذه الامة وهذا المستقبل
ونتفاعل بهذا العلم مع ميثاق عقله
ونبحث على الحرية في كل طرقها الشرعية والغير!!
...
..
.
لذلك ادعوكم جميعا زوار وضيوف مدونة الرأي السياسي
ان تشاركونا في انشاء صرحنا العملاق
وبناء هممنا العطرة
وتكريس مجهوداتنا العلمية والثقافية والجسدية
لمولود جرئ ويستحق العناء
.
(حزب الرأي السياسي)
.
هذه دعوة مفتوحة لمن يريد الانضمام الى شباب المستقبل
هذه دعوة مفتوحة للمشاركة في وضع حد لما لا حد له
هذه نبتة فكر وذرة كيان تحتاج جهودكم جميعا
.
فمن يجد في نفسه انه على استعداد تام
بأن يضحي بأغلى ما يملك
في سبيل رفع شأن بلدنا الحبيب مصر ووطنا العربي
من يبغى ان يرد الجميل لبلده وشبابه وحياته
عليه ان ينضم الينا ودون تردد
فنحن جميعا شباب نرجو الحرية ونريد الايجابية والفعالية
.
.
ومن هنا ادعوكم جميعا ان تنضموا الى حزبنا
(حزب الرأي السياسي)
تحت شعار
(لن توهب الحياة لمن ليس له لسان)
ومن مبدأ
(شباب+عمل=مستقبل)
...
من يريد الانضمام الينا والى فكرتنا الوليدة ومبدأنا الصريح
عليه مراسلتنا على الايميلات الاتية
.
bahaa_or_bebo@hotmail.com
.
beboagamy_2005@yahoo.com
.
او الاتصال بنا على الارقام الاتية
.
0101188685
0181270101
.
نرجو السرعة في التفكير
حتى يتسنى لنا ارسال مهام الحزب وكيفية نشأته لكم في اقرب فرصة ممكنة
.
وسيتم ارسال جميع الاوراق اللازمة للانضمام الى الحزب
بعد الاتفاق والتواصل والتعرف على عنواين من يرغب في الانضمام
سواء الالكترونية او الارضية
.
وسنرفق اوراق كيفية الالتحاق بالحزب
باوراق الحزب الاساسية
المهتمة  بالاتي
المبادئ
الاهداف
الاليات
الى اخره
....
...
..
.
اي استفسار او سؤال
نرجو مراسلة هذا الايميل
سواء بارسال بريد الكتروني يتضمن الاستفسار
او الموافقة على الانضمام وتقديم الطلب
.
bahaa_or_bebo@hotmail.com
.
وتقبلوا تحياتنا وتقديرنا وفائض شكرنا
..
عن حزب الرأي السياسي
.
بهاء عجمي
.
شعارنا
لن توهب الحياة لمن ليس له لسان
.
مبدأنا
شباب+عمل=مستقبل
...
..
.
تحياتي
بهاء عجمي 

 بسم الله الرحمن الرحيم

وبه نستعين

اما بعد

.

هل انت قادر على المواجهة؟

هل انت أهل لرد الجميل؟

بقلم / بهاء عجمي

.

بدون ادنى شك جمهورية مصر العربية تمر بازمة سياسية واجتماعية وفكرية طاحنة
بدون ادنى شك جمهورية مصر العربية على حافة هاوية القدر والغيب
بدون ادنى شك جمهورية مصر العربية تحتاج وتنتظر من كل ابناءها وقفة
قوية
صريحة
جادة
...
..
تزلزلنا في المشاكل والعقبات مشكلة تلو الاخرى وعقبة يليها عقبة
ازمات داخلية لا علاقة لها باي سياسية خارجية قائمة بالفعل
..
بطالة وبطالة مقنعة
غلاء فاحش وثراء مبهت
تعليم فاشل وتعليم خاص
مخدرات ومخبرات
...
..
مشاكلنا صريحة وكأنها تقصدنا نحن بالذات
وتبث بداخلنا انيابها بالعنوة والعند حتى تبقينا على قيد الحياة
فكما يعلم الجميع
لا انسان ناجح بدون مشاكل قائمة
ولكن
ينجح الانسان او تاتي سمة النجاح من مواجهة تلك المشاكل القائمة بشكل او بأخر
واذا نظرنا نظرة عابرة عن مدى مشاركة المجتمع المصري في تسلسل الاحداث ومشاكلها
لوجدنا ان المجتمع المصري صفر على شمال تلك المشاكل والعقبات
لا مشاركة فعالة ولا ايجابية مطلقة ولا حتى سلبية مدركة
كلها تراهات وفلولات يأس او ربما تقاعص عن العمل الجماعي التعاوني
ربما خوف وجبن وربما عمالة ووكالة وربما ايضا خيانة
....
المجتمع المصري ..منقسم الى طوائف والكل يدرك هذا
ومن ضمن تلك الطوائف
طائفة هي الاقوى والاكبر والاعظم على الاطلاق
الشبااااااااااب
طائفة الشباب
وما تحمله من طاقة وسمو وكبرياء وعلو ونشاط وفكر وثقافة وعلم وعقل
ماذا تفعل؟؟
لا شئ
لا شك ان كلنا يعلم ان الشباب هو الوقود اللازم والوحيد لمسايرة عجلة التنمية في اي مجتمع قائم بالفعل
لا شك ان جميعنا على كامل الوعي بأن الشباب هو المستقبل الذي تنتظره مصر
اذن فلننظر نظرة بسيطة الى تلك الطاقة والوقود لعجلة التنمية
وننظر نظرة اخرى الى المستقبل الذي تنتظره مصر من هؤلاء الشباب
....
وحتى لا ينعتني البعض بانني انتقد للنقد كما يفعل الكثيرون منكم معي
سأبدأ تحليلي بالمشاركين الفعليين من الشباب في الزج بعجلة التنمية المصرية
اولا
شباب مثقفون واعون مدونون يتكلمون ويتظاهرون ويتناقشون
ويفعلون الكثير والكثير لمجتمعنا المصري
ولكن
كم عددهم ؟
وهل يكفي هذا العدد الضئيل في ملاحقة الاحداث المتعاقبة بسرعة البرق ؟
(اي دونت ثينك ثو)
لذلك نظرنا مرة اخرى الى نوع اخر من الشباب الا وهو
الشباب المسالم الواعي الذي يعرف اين الصواب واين الخطا
ولكنه ينتظر الاخذ بايده لمواكبته الاحداث
تفاعلنا معهم شددنا ايديهم ايدناهم وواجهنا معهم الصعوبات والمشاكل
وكانت الحصيلة
تكسير همتنا وكياننا نحن المتحركون من جانبهم
ومبررات واهية الا وهي وماذا يفعل الكلام في زمن الفعل
بالطبع لا يفعل شئ الكلام في زمن الفعل
ولكن
ما رايكم الا يكون هناك فعل
والا يكون هناك كلام ؟؟
انه امر صعب جدا
لان الكلام هو اللسان ومن بعد اللسان تاتي العين والقلب
يقوى القلب وتتسع الرقعة المتكلمة
ومن ثم
ياتي الفعل
لا اليأس
.....
..
اذن مصر تمر بمنعطف رهيب وصعب علينا جميعا
سواء كنا متحركون او متحدثون او صامتون (زي اللي قاعد هناك ده)
(ايوة انت يا ؟؟؟؟ مش مصدقني بص لنفسك)
وتمر مصر بهذا المنعطف وهي على اتم التاكد بان شبابها الواعي الصادق الخلوق
مازال على العهد والوعد الصادقين
تنتظر مصر منا جميعا ان نقف وقفة رجل واحد في مواجهة عدو واحد
الا وهو
الفساد والطغيان والظلم والفشل
تنتظر منا مصر ان نكون اشداء على مواجهة تلك المواقف الصعبة
اعطتنا مصر الكثير والكثير
اعطتنا الاهل والجيران والاصدقاء
اعطتنا العلم والعلماء والصحة
اعطتنا العقل والجسم والبنيان
وها هي تنتظر رد الجميل الذي قدمته لنا بالفعل
فهل لنا ان نوقف هذا النزيف الساير من الطغيان الفكري
هل لنا ان نحرك جفوننا ..انظارنا..عقولنا
هل لنا ان نحرك اقلامنا ...اقدامنا ...السنتنا؟؟
انه اقل ما يمكن ان نقدمه لبلدنا الغالية والحبيبة
اقل ما يمكن ان نعلن به عن غضبنا وثورتنا ونطاقنا
ها نحن يا مصر
شباب مصر
على الوعد والعهد الصادقين
في مواجهة عدو واحد ووحيد
(الفشل)
ولن يزول الفشل الا اذا زالت تلك الاصوات التي سترد على موضوعي
بانه مجرد كلام وماذا يفعل الكلام
اذن فلنواجه مشاكلنا
اتريد غير الكلام؟
تواصل معي واظن انك تعرف كيف تتواصل معي
وبدون ود لعينيكم وتحياتي
وبدون مبالغة ومنافقة ومعارضة كاذبة مثلما اتهمني البعض
انا على العهد والوعد الصادقين
فماذا عنك انت؟ او انتي ؟
هل انت معي ؟ ام مع ...(الفشل)
انتم تعرفون جيدا كيفية التواصل معي ومع من معي
وتعرفون جيدا اننا في حاجة الى وقفة قوية وشديدة
لمواجهة مشاكلنا العصيبة
وهذا هو الحل
الحل
السهل
الممتنع
...
.
ود لعينيكم
بهاء عجمي
 

بسم الله الرحمن الرحيم

وبه نستعين

اما بعد

الحرية

الكرامة

العروبة

الحوار

الديمقراطية

حلول وقضايا....يقدمها / بهاء عجمي

.

كل هذه المعان نسمعها كثيرا وكثيرا في اوطاننا العربية
ونقولها كثيرا ايضا
ونبحث بكل ذرة في كياننا على خيط رفيع يوصلنا اجمعين الى توظيفها
نرجو توظيف تلك المعاني داخل كياننا العربي الغالي والعزيز
تثور علينا مشاكل وتغور مشاكل اخرى
ونصدم بحوارات ومقالات رأي ورأي اخر
دون النظر او البحث عن حل لاي قضية من قضايانا
...
لم تعد قضايانا هي فلسطين المحتلة او العراق الدامي
او لبنان الجريح او مصر المزيفة
بل باتت قضيتنا هي كرامتنا
هي عروبتنا
هي حريتنا
لم يعد الصمت هو الملاذ المريح لكل تلك الخرافات التي تسمى مشاكل
فتلك المشاكل السياسية او غيرها داخل مجتمعاتنا العربية
نحن من وضعنا انفسنا فيها
وعلينا نحن ايضا اخراجها واخراجنا جميعا من هذا المنزلق العميق والصعب
....
...
عندما نتحدث عن القضية الفلسطينية
نتمسك جيدا بحقوقنا الشرعية في اراضينا المقدسة
وننسى او ونترك خلف ظهورنا كيفية ارجاع هذا الحق المسلوب
...
عندما نتروى في البحث عن حل للصراع العراقي العراقي
نكون في كامل ايماننا ان العراق حر واهله احرار
ولكن في لحظة وغفلتها
ننسى اصولنا العربية بكل وضوح ونتخلى عن هويتنا تلك لمجرد موت الالاف على ايدي بعض المسلمين الخونة
ونجعلها قضية طائفية ونتحدث عنها مرارا وتكرارا وننسى اساس قضيتنا
..
عندما توافينا لحظات الصدق عن كيفية الخروج من منعطف الصدام اللبناني اللبناني السوري
توافينا وفي لحظتها مشاعر اخرى من العزف المنفرد على شظايا اجساد الفتنة الطائفية
ونعلق فشلنا جميعا على فشل طائفة او اخرى
....
لم تعد تلك هي المشكلة
ولن تكن يوما تلك هي المشكلة !
مشكلتنا في ضمائرنا وكيفية التحكم فيها وفي مجريات امورها
مشكلتنا في مدى تنازلنا عن حقوقنا واهدار كرامتنا وكبت حريتنا
مشكلتنا في السلبية المفرطة والفاعلية المعدومة
مشاكلنا كثيرة وعديدة
ولم يعد حلها هو الصبر
بل حلها هو الايمان
الايمان من داخلنا اننا على الوعد والعهد دوما مع الله سبحانه وتعالى
بان نحمي كرامتنا ونصونها
وان ناتي بحقوقنا ونرجعها
ايماننا باننا من بني الانسان
ولابد لنا من عيش حياة كريمة واصولية وذات مبادئ لا خلاف عليها
من
الحرية
والعروبة
والحوار
والديمقراطية
والكرامة
...
ان كنا على الوعد مع الله
فلن يوقفنا قوة الارض مجتمعة
في محفلنا لارجاع حقوقنا
في اي بقعة ومكان من الارض
سواء كانت قضايا سياسية
او قضاية اجتماعية
فقط بالايمان والتسلح والايجابية والفعالية والتحرك الجماعي
ياتي الحل
...
هذه كرامتنا
فهل نرحمها
...
ولن توهب الحياة لمن ليس له لسان
...
..
.
تحياتي
بهاء عجمي

بسم الله الرحمن الرحيم

وبه نستعين

اما بعد

الى من يرغب في سلام مع اسرائيل

اليكم هذا الاصدار

والكيلو بنص جنيه بس

بوس ياخويا بوس ........ بقلم / بهاء عجمي

.

ادهشتني مؤخرا بعض العناوين الصحفية الغريبة
والتي تتحدث بدورها عن السلام المزمع مع دول الجوار واسرائيل
وكأننا كعرب وسياسيين لم نتعلم الدرس جيدا
درس اسرائيل الباحثة عن الفوضى والريادة في بلداننا العربية
نتحدث اليوم عن حدود 1967
وعن الضفة الغربية وهضبة الجولان ومزارع شبعا
كلها خرافات لا معنى لها على الاقل في الوقت الحالي
انا لا اخفي عليكم انني من محبي السلام
ولكن ليس السلام على طريقة جدران الفصل العنصرية
وتشتيت القوى الدولية وتسريب وتفنيط حركات المقاومة الفعلية
سواء على اراضينا العربية او على اراضيهم الخيالية
...
كلنا نعلم جيدا ما هي مساعي اسرائيل داخل كيان الشرق الاوسط
وندرك جيدا ان لا سلام مع اسرائيل ابدا ابدا ابدا
وبالرغم من ذلك
تتحدث القيادات العبقرية في مشارق اراضينا ومغاربها
عن هذا السلام الاحمر مع اسرائيل
....
.
مفاوضات ابو مازن مع اولمرت ما هي الا حلقة خيانة وعمالة اخرى يتبعها الكيان الفتحاوي
من اجل تثبيت اقدامه داخل الحدود السياسية وحفظ قليل من ماء وجهه
الذي بات محطما بعد فعلته الغبية هو  والكيان الحمساااوي ايضا
..
لا سلام مع اسرائيل الا بطريقة مجنونة يا قوطة
النهاردة فيه توغلات وبكرة في انسحابات وبعد بكرة في اعتقالات
ومن ثم
هذا هو السلام الثاني
وليس السلام الذي نعرفه وسمعنا عنه كثيرا في القصص الخيالية
..
يوم بعد يوم تثبت السلطة والقيادة الفلسطينية
انها غير اهلة باي ثقة تزرعها فيها الرموز الفلسطينية
وغير جديرة بفرصة قيادة السفينة الفلسطينية حتى اشعار اخر
...
كلها تنازلات وعلى حساب من ؟
على حساب اراضينا وكرامتنا وحريتنا
اليوم
يرحب عباس ابو مازن بالقوات الدولية في غزة
وغدا يقبل ايضا بوجود القوات الاسرائيلية داخل اراضيه
التي طالما دافعنا عنها بكل كياننا حتى لا نقع تحت طائلة السلام الدولي
حمرا يا طماطم
...
ولا اتعجب كثيرا حين ارى بالامس الرئيس ابو مازن
وهو يطلب الاذن من القيادة الاسرائيلية لدخول بعض كوادر وقيادات فتح
الموجودين بالاردن وتونس وسوريا
...
اصبحنا نطلب الاذن من اسرائيل لدخول اراضينا الفلسطينية
فهل هذا رئيس فلسطيني؟؟؟؟
بالطبع لا بل الف لا
...
ابو مازن يقدم تنازلات غريبة الى حد الفظاعة
ليس لطمعه في سلام مع اسرائيل
وانما لغرض خبيث في كسر شوكة حماس التي اشتدت فاكلت اليابس والاخضر الغزاوي
....
لا شك ان حماس ايضا خاطئة وفي المقام الاول خطأ رهيب
ولكن
ليست بهذه الطريقة اللئيمة تحل الامور بين فتح وحماس
.....
.
ابو مازن يستاذن من القيادات الاسرائيلية لدخول الفلسطينين الى اراضيهم
ويرحب بنشر قوات دولية في غزة
يدخلهم بنفسه الى غزة والى كل شبر هو على اتم الاستعداد لفعل هذا
فقط ليثبت ان الشرعية الى جانبه
لو سالت السلطة الفلسطينية بقيادة ابو مازن انفسهم ؟
لماذا تعطينا اسرائيل شرعية ؟ ولماذا اصلا نطلبها من اسرائيل ؟
الاجابة بسيطة وغريبة وغير مريحة
لان اسرائيل تريد الحل الفتحاوي والذي بدوره يقدم لهم اسمى معاني
التنازلات والتنكيل والعمالة
.....
....
...
كوادر وقيادات حماس اخطات هي الاخرى خطأ فادح بحربها الاخيرة على قطاع غزة
وكأننا في حرب شوارع والمنتصر على الارض !!!
وعلى الجانب الاخر
تخطئ كوادر وقيادات فتح خطأ اصعب وافظع على مسامعنا
الا وهو
تقديم كل تلك التنازلات الرهيبة والعميقة سياسيا الى القيادة الاسرائيلية
التي ترتاح في هذا الامر بكل صورها النفسية
...
وبالطبع اسرائيل ترحب كامل الترحيب بالفكر الفتحاوي
وليس لان فيه الحل المرغوب
وانما ترحب بابو مازن
لانه على استعداد لتقديم مفاتيح فلسطين واراضيها الى اليد الاسرائيلية
بمقابل بسيط ورخيص جدا
السلطة والشرعية
.....
..
ولا اعتقد ان في هذا سلام
ولا حرب
بل في هذا فتنة وعمالة وخيانة
...
واتمنى من كل قلبي
ان يكون خيار الحرب هو الخيار المطروح حاليا على الموائد الرمضانية
بدلا من طماطم السلام المعطبة
...
.
لنا وقفة اخرى
...
لن توهب الحياة..لمن ليس له لسان
.
تحياتي
.
بهاء عجمي

بسم الله الرحمن الرحيم

وبه نستعين

اما بعد

نبتدوا المزاد العلني لبيع اهرامات الجيزة

مين يزود

نظيف بيبيع البلد يا شباب البلد الحلويين الشيك..

يقدمه / بهاء عجمي

.

نادرا ما اقرا الصحف القومية او الصحف التي يسمونها قومية
الاخبار الاهرام الجمهورية كدة يعني
.
ومن قيمة كام يوم كدة قريت مانشيت بالاحمر في جريدة الجمهورية
بصراحة انا مكسوف لكل القائمين على الجورنان ده
المهم
نظيف بيقول ايه
نحن لا نبيع مصر ؟؟
ولن نسمح بان يحدث مثل هذا من امر!!
كلام جميل
..
.
وصلنا لمرحلة ان مجلس الوزرا ورئيس الوزرا بقى بيشتغل نفسو فيها
وصلنا لمرحلة غريبة جدا الا وهي
ان الحكومة فاكرة الشعب عبيط والا اهبل
اه هو الشعب ساكت وده للاسف عشان فيه شباب كتييير جدا زي قلتهم
لكن مش معنى كدة ان كل الناس مصهينة
....
لما رئيس مجلس الوزرا يقول كلام
اكيد لازم يكون الكلام ده صدق وحقيقة
والا يبقى لامؤاخذة كدة كلنا خوا(جات) من برة البلد ومش حاسيين باللي بيحصل فيها
رئيس الوزرا المبجل صاحب الفخامة والعزة والسمو
مصر بتتباع قدام عينه ويمكن هو عارف كدة كويس
لكن حنقولوا ايه ونعملوا ايه
تصريح مزيف على جريدة منافقة نضحكوا بيه على شوية رعاع
ايوة يا مصريين انتم رعاااااااع
ولو فضلتم في الصمت الرهيب ده كتير
حتبقوا شوية حيوانات
ايوة
انتم يا مصريين شوية حيوانااات
بتاكلوا وبتشربوا وبت(عملوا زي الناس) بس هو ده اخركم
لكن تتكلموا في حقوقكم في كرامتكم في اهل بيتكم اللي راحت عليهم حكاية الشرف دي !!
للاسف 
استحالة واحد من الناس او من الشباب عامة يقف يقول بعلو صوته في اي محفل علمي او ثقافي او ديني
ان احنا بننضربوا على قفانا
من
مبارك
ونظيف
وبطرس
وجرجس
ومحلس
وحنكش
.....
...
السيد رئيس مجلس الوزرا المنافقين
اليك هذا الاصدار
انت بتبيع مصر
وبتبيع اسم مصر ومصانع مصر وشركات مصر وبنوك مصر
عايز ادلة واثباتات
....
الاسكندرية الوطنية للحديد والصلب بالدخيلة
اتغير اسمها بقدرة قادر الى
عز الدخيلة!!!!!!!!
.
البتروكيماويات
الاسمنت
البنووك
اتغير اساميهم بقدرة قادر برضو
بس المرة دي قادر تاني غير القادر الاولاني
لاسامي اجنبية غريبة كدة
سوشيل مش عارف ايه وبوشيل ما ادرك ايه
....
وفي الاخر يقولك احنا مش بنبيعوا البلد
....
..
شباب مصر
اقسم بالله العظيم
اللي حيفضل كدة طول عمره يقول انا مالي واديني باكل وبشرب وبتعلم
يبقى للاسف انسان حيوان
لان بلدنا ربنا اامنا عليها واكيد انتم عارفين يعني ايه امانة
المفروض تحافظوا عليها
تحترموا كيانها وشركاتها ومصانعها
.....
الشباب مش لاقيين شغل
وده رايح يخصخص الشركات والمصانع والبنوك
والسكك الحديدية وغيرو وغيرو وغيروو
ويقول مش بيبيع
اومال هو عايز يبيع ايه تاني عشان نعتبرووه بيبيع البلد بجد
ايه عايز يبيع هدومنا الداخلية (الاندر وير )
والله عادي
وبكرة يحصل وافكركم وبرضو حتفضلوا ساكتين
.....
...
مصر بتتباع يا شباب مصر يا حلوييين يا مقطقطين
مصر بتروح من بين ايدينا واللي بيرميها في النار مش واعي هو بيعمل ايه
لانه مسلم بالامر الواقع
اللي هو
شباب مصر وعقولها خلاص اتاكسدت
اتحركوا يا شباب
اعملوا اي حاجة
اللي مش عارف يعمل ايه او خايف يعمل حاجة
يتصل بيا فورا
وانا اخليه يعمل كتييييييييييييييير جدا ليه ولبلده الغلبانة اللي طالع عين ابوها مع مبارك وكلااابووو
اللي عنده استعداد يعمل اي حاجة عشان مصر
وعنده استعداد مش يخاف غير من ربنا
يللا انا فاتح ايدي ليه انا واللي معايا
يللا بينا يا شباااب صدقوني كدة كتير بجد
,,,,
,,,
دول بيكدبوا الكدبة ويصدقوها وينزلوها كمان مانشتات في الجرايد
عامة
انا بعمل اللي عليا
واتمنى ان انت كمان
تفكر تعمل اللي عليك
....
دي مصر مش عزبة
دي مصر مش عزبة
...
..
لن توهب الحياة.. لمن ليس له لسان
...
تحياتي
بهاء عجمي