بــهــاء عــجــمــي..الرأي السياسي

قد يظن البعض أنني تأخرت كثيرا في الكتابة عن هذا الموضوع

الدستور المصري الممزق...

ولكني كنت أفضل التمهل خصوصا في موضوع كهذا

ربما لأنني لا أتمنى أن يصفني البعض متجملا

في أفكاري متسرعا في ردة فعلي ..الموضوع كبير

الموضوع مش موضوع اننا نعارض وخلاص

ده كيان دولة ونظام سلطة مانقدرش نسكت عليه

وبرضه مانقدرش نعمل فيه زي ما عملوا احزاب المعارضة

والاخوان المتهببين على عينهم

وكأنني أرى من جديد افلامنا في السينما المصرية الكرنك وبتوع الاتوبيس

الدستور مش جريدة صفرا بتعارض للمعارضة وخلاص

الدستور مش صفحة في كتاب كتبه واحد من الاخوان المسلمون

الدستور مش تي شيرت يلبسه النهاردة حزب التجمع وبكرة حزب الوفد وبعده الناصري

احنا كدة نعتبر على مشارف انفراجة حقيقية في اسطولنا السياسي الفكري

حيرجع البوليس السياسي وحيرجع فندق ميرامار بتاع شادية ويوسف شعبان

وحنمشوا في الشوارع نلاقي الانجليز راكبين حصنة وفي ايديهم كرابيج

مش مشكلتنا مين اللي بيفصل فستان الدستور

مبارك والا ابنه والا الشاذلي والا حتى فتحي سرور وصفوت الشريف

مشكلتنا مين اللي ناوي يحس بالمصيبة اللي وقعت على دماغنا كلنا

مشكلتنا مين اللي ناوي يتحرر بقى من الجهل اللي احنا فيه ده وقرب يتحول لجبن كمان

بكرة يطلع علينا توفيق الدقن ويقول يا اه يا اه واحلى من القرف مافيش

السلطة دلوقتي لعبت لعبة كبيرة جدا بس ان شاء الله حتخسرها

لانها بكدة بترجع عصر احنا نفسنا كنا محتاجينه عشان نغير بقى هدومنا

صحيح حيبقى في معتقلات ومافيش قانون ومافيش عدل والكلام ده

واحنا مرتاحين في النقطة دي لاننا من الاخر كدة زهقنا خلاص

استغربت جدا لما لقيت الاحزاب اللي بتعارض وخلاص دي

عمالة تعمل شوشرة وقلبان ع الفاضي

اللي يقولك ماتروحش تنتخب واللي يقولك قاطع واللي يقولك قول لا

ومحدش فيهم البهوات دول فكر ولو مرة واحدة بس اننا ممكن نعملوا حاجة تانية خالص

نفكنا بقى شوية من الكلام الفارغ بتاع ام فاروق اتجوزت وعفاف جوزها خانها

الدستور اتغير ليه ؟ ولمصلحة مين ؟ اكيد كلنا عارفين

ومش بعيد واحد من اللي حيقرأ دلوقتي يقولي

اتغير عشان جمال يمسك البلد وعشان البلد تمسك جمال

للاسف اللي حيفكر بالطريقة دي حيبقى فاضي وملطوع على قفاه كمان

جمال ماسك البلد من حوالي سنتين يا ام ابراهيم فوقي بقى !!!

الاحزاب اتحجم دورها السياسي

القضاه راحت عليهم عشان مرة فتحوا بقهم

رئيس الجمهورية حيتغير بسفر الريس برة

خلاص ماعدش في حاجة نبكوا عليها

ولو ماتحركناش وبكينا على نفسنا يبقى ينطبق علينا المثل اللي بيقول

(مانخدوش من الحمار الضعيف غير الظراط القوي)

الاخوان حيعملوا مظاهرة ويمكن مليون

بس ده كله عشان يبانوا ويظهروا قدام الناس الغلابة الطيبين

الاحزاب حترقص على جتتنا وتفهمنا انهم خابزين الحكومة وعاجنينها

طب ماحنا بقالنا تلاتين سنة في الخبز والعجن ومظاهرات الاخوان

ها في حاجة اتغيرت ؟؟

التغيير حيجي منكم انتم يا شباب

مش من حزب معين او جماعة معينة كل همهم مصلحتهم الشخصية

اللي عايز يغير حيغير ...اينعم حنتعبوا شوية بس عادي

لو انتم شايفين ان بلدنا مش مستحقة اننا نتعبوا عشانها

روحوا ارموا نفسكم في البحر احسن !!!

مبارك واللي معاه بيفصلوا فستان جديد لمصر

جيبة فوق الركبة ورجلها حتبقى باينة وهي عاملة حلاوة

لا لابسة طارحة ولا حتى سنتيانة

واحنا لسة ماشيين ورا شوية معييز اسمهم معارضة كدابة

انت في جامعة ؟؟  من مكانك تقدر تغير

انت في وظيفة ؟ برضو من مكانك تقدر تغير

لكن حتقولي حعمل ايه لوحدي ومحدش حيسمع صوتي وتقعد تحبطني وتحبط نفسك معايا

ساعتها اقولك كدة انت حتبقى قرني

تسمع عن القرني ؟

حيبقى متركبلك قرنين

واحد في راسك والتاني في ط؟؟؟!!

بكرة يقابلك ظابط في السكة ويقولك رايح فين وجاي منين ومعاك ايه في جيبك

ومش بعيد يدخلوا عليك بيتكم عشان يدوروا على عمر الشريف

وزبيدة ثروت تعيط عليك ورشدي اباظة يروح يبلغ في المحافظة

وزهرة العلا تلحقو قبل ما يعملها !!

ويبقى في بيتنا قرني

دستور يا كلابنا !!!

اتحرك يا اخويا انت وهو

صوت الطم ارقص زعق بصوت عالي

انت حر ..حر غصبن عن عين مبارك والدستور والعادلي كمان

ايه حتدخل المعتقل ؟ ويحطوا خشبة في ط؟؟؟..؟

وحيجروا على بيتك وياخدوا سعاد حسني ويغتصبوها في الكرنك ؟؟

ومالو...ما الكلام ده حصل زمان ...وبعدها حلينا ازمتنا

اوعى تكون فاكر ان التغيير بيجي ببلاش

اوعى تكون فاكر انك حتقعد في بيتكم وتلاقي مبارك واللي معاه

بقدرة قادر اتحولوا لشوية ديمقراطيين واحراار وانصار عدل

التغيير محتاج رجالة تضحي بنفسها وبكل حاجة عندها

عشان خاطر بلدهم

يعني لا تخاف على جامعة ولا شغلانة ضاعت منك ولا حتى بنت كنت بتحبها

وياخسارة حتضيع منك عشان خاطر عيون مصر

ياخي يلعن ابو الراجل القرني

مصر بتاعتنا يا جماعة ...مش عزبة !!

دستور يا كلابنا!!

تحياتي

بـــهــاء عــجــمــي

يا من كنت تشكو يوما من العشق داء

في سوريا عشق وللعشق دواء

..

لم أتخيل قط في يوم من الأيام أن يكون لعشقي للأسكندرية مثيل

أو حتى على الأقل مجرد مشاركة أحساسي بحبها بأحساس أخر

ولكنها الخطى التي تحرك الكيان

مجال أخر من الشعور بالولع تجاه طفرة أخرى لم تك أبدا في الحسبان

أنها سوريا...تلك البلاد الحالمة بالأستقرار

تلك الأصوار الشفافة التي ينظر المرء منها على مستقبل لا يرى فيه سوى الشعور بالدفء

وياله من شعور غني أن تحس بالدفء في مكان لم تذهب إليه من قبل

يالها من أيام ويالها من لحظات مفعمة بالحياة ,تلك اللحظات التي تشعر فيها بعشق ما

دون النظر الى أي أصل من الأصول المقيدة لحريات الأماكن والمكانات

كأنه حلم جميل تعيشه داخل كيانك ولا تفيق منه أبدا حتى يصبح حقيقة محققة

سوريا..تلك المواني الزرقاء في وسط مياه صافية لا تعرف العكرة طريقا

سوريا..تلك القصور العالية التي لا تزيد عن شبر من الأرض

سوريا..عشق يأخذك من وسط كون ليرميك في كون أخر وبالعنوة!!

ولكنها المرة الوحيدة التي تكون العنوة فيها مجالا محببا لدى القلب

تطوف بفكرك حول عناقيد الورد التي كنت تحسبها جذور

البساطة في الثقافة والفكر والنشأة

العذوبة في التكلم والكلامات

إنها مدينة العشاق..جسر المحبين..أمل اليائس

إذا كنت من العاشقين الوافدين من أعالي بلاد الكائنين

إذا كنت من المتيمين القانطين على قصورهم الوهمية

إصنع لنفسك قصر من زلال عشق وحجر رخام

إعشقها من كل قلبك..طياته ومواطنه

أحفل بجمالها..غني لشبابها..قل شعرا لصباياها

فإنها دواء العشق

يوم يكون العشق داء

تحياتي

بهاء عجمي

هكذا نحيا أمة بلا جدل...,,,,بقلم/بهاء عجمي

بسم الله الرحمن الرحيم

وبه نستعين

أما بعد

لو إتكلمنا كتير حنحس

إن الدنيا دي جرح وبس

وإن حياتنا بكل ما فيها

كل ما فيها اللي مكفيها

وبرضه قلوبنا بتصرخ نار

جرح وحزن وألف مرار

حيرة عذاب وشباب محتار

م اللي مخللي حياتنا دمار

تجرح فينا قلوب وقلوب

إمتى نحس وإمتى نتوب

لما العمر أهو مر وفات

واللي جرحنا بيبكي اَهات

بس يا دنيا سؤال وإجابة

إمتى وفين نوصل بوابة؟

فيها نحس إن إحنا غلابة

مش فرسان عايشين في الغابة

نفسي تكوني معانا صريحة

حتى ولو بإجابة مريحة

مش بكلام فاضي وكداب

يملا حياتنا دموع وعذاب

داحنا رأينا المر بعينا

نقدر نسكت الله يعينا

هو القادر يحمي حياتنا

من أمثالك والله يا دنيا

لو إتكلمنا