بــهــاء عــجــمــي..الرأي السياسي

لم يعد السكوت لتماثيل الوطن هو الحل

بل محاربة كل معامل للسذاجة هو الحل!!

بقلم / بهاء عجمي

منذ بدأت أولى خطوات محاربة حشرات الوطن السامة والمعدية

أبتداءا من الحزب الواطي الديموزراطي ومرورا بخدعة الداعية الاعلامي عمرو بيه خالد

والاسطورة المتخلفة فكريا الاخوان المسلمون.

منذ بدأت تلك الحملة , وأنا انعم بحملة انتقادات واسعة الانتشار

وليس من الغريب ان تجيئ تلك الانتقادات من عقول واعية ومفكرة ومن المحتمل ان تكون مثقفة

ورمت تلك العقول على كلماتي احط العبارات والاساليب

فمنهم من نعتني بالمرتاء ومنهم من نعتني بالكاذب الاكبر ومنهم من وصفني بالمتجمل

ولكن هذا كله لا يهمني ..بل يلهمني سببا اخر في المضي قدما نحو تحقيق هدفي

الا وهو   كشفهم جميعا

فأزدادت تماثيل الوطن المزيفة واحد تلو الاخر ..ومن وراء صخور العقول المؤيدة لهذه التماثيل

يكتسبون شهرتهم ودفاعاتهم وربما مصداقياتهم المزيفة في واقع الامر !!

عندما تحدثت عن بلاوي الحزب الحاكم بقيادة الهلهولة مبارك

جاءني احدهم معتبرا اياي مغطرسا للامور ...ومتهمني بالخيانة العظمى (أنا خاين)

وكنت لم انتهي بعد من حملتي المستمرة حتى الان على الداعية الاعلامي الرجيم عمرو باشا خالد

الا ورايت بذور الوطن من شبابها وعقولها متمسكون جل التمسك بفكرة عمرو خالد في تحويل الحرام الى حلال

بعشرة في المية جاز وبنزين !!(زمن التفاهات)

ومن بعده الاخوان الممثلون وغيرهم وغيرهم من تماثيل لها باع طويل في تلوين عقول الشباب وصبغها

بصبغة السلبية الفكرية وربما السذاجة المعرفية

ومازالت على عهدي ووعدي بكشف كل مخططات تماثيل الوطن المريضة والمعدية

ومن اليوم ابدأ حملتي على بنورة الاعلام الحديث ومنارة المعرفة الهندية بمواطن الامور

السيد الغير محترم  عمرو اديب (حشرة الوطن)

وانا معترف ومتاكد بأن الالاف منكم بل الملايين سيصب عليا من اهواله ما رأيت من قبل

من تفاهات حوار وغرائز فكر مكبوت وربما سذاجة مفرط فيها

(يا الهي صب عليهم مقتك وغضبك)..(وي وي  شلت يدي !!)

(أرأيتم انه انتقام الرب)...(الرب..!! انها سليمة يا روح خالتك)

ومن هنا يبدأ تكسير التمثال الرائع الصنع (عمرو اديب)

وبدون مبالغة في قصور الوهم او تشتيت لعقولكم

تابعووه وتابعووني

قليل من التركيز والتفكير والموضوعية والعقلانية

ستعرفون جيدا انه مثله مثل كل تمثال وضع قدمه على طريق المزايدة على حب الوطن

ساريكم فيه من الصفات ما لا يعتنقها غيره من التماثيل امثاله

قلنا عن الحزب الواطي الديموزراطي انه ..(كلااب الوطن)

وقلنا عن الاخوان المسلمون..(الجهلاء الى ابعد الحدود)

وأثبتنا ان عمرو خالد...(داعية اعلامي مزخرف في المقام الاول)

وسنبدأ معكم حملتنا عن التلميذ الخايب عمرو اديب بأنه (حشرة الوطن)

......

انتظروني يوم الخميس القادم بمسمار غرس في جسد التمثال الممزق نسبيا عمرو اديب

او

حشرة الوطن

...

تحياتي

بهاء عجمي

مبروك فتح..مبروك حماس

المسجد الاقصى يهدم كما وعدتمونا.!!

بقلم/ بهاء عجمي

قبل ان نبدا في طرح موضوعنا عن الشعب الفلسطيني العظيم,قبل ان نفرد اساطيرا مسطرة من اللوم والاكتئاب لما يحدث الان في الشارع السياسي الفلسطيني
علينا ان نطرح هذا السؤال؟؟؟؟
من المستفيد الوحيد من لعبة المطرقة والسندان التي تمارسها كل من حركتي حماس وفتح؟؟
لا شك ان اجابة سؤالي هذا تبعث لدى الكثيرون منكم الخوف والرعب وان جاز التعبير سينبصق في قلوبكم خيبة الامل بما تحمله من ياس وفقدان الرؤية الثاقبة ويالها من ادوات طالما بحثت عنها السلطة الاسرائيلية في تشتيت قلب القضية العربية
ويالها ايضا من ادوات فشلت العقول الصهيونية نفسها في زرعها داخل القلب الفلسطيني الذي كان يعمر كل فئاته بتمسك غير مسبوك لقضية غير معلومة الهوية
....نعم المستفيد الوحيد ولا غيرة هي الحكومة الاسرائلية,,
طالما وقف الشعب الفلسطيني ندا قويا لعمليات المداهمة الصهيونية!!
طالما حاربنا بكل ما اوتينا من قوة لزعزعة الامل من تحت اقدامهم!!!
استمرينا في نضال لا يضاهينا فيه شعب من الشعوب العربية باثرها, لعبنا دور البطولة في كل مسرحيات العدو الصهيوني اللدود,وكنا ننجح وننجح وننجح!!
ولكن خاب وخسر كل من يظن ان نجاحنا في ابطال مفعول الخطة الاسرائيلية المدبرة
نابع من قوتنا العسكرية ولا سيما انكم تدركون جيدا مدى ثراء العدو الصهيوني بتلك الخرافات التي فشلت بها السلطة الاسرائيلية نفسها في ادراك نجاحها.. فما لدينا من قوة عسكرية لا يتعدى ثلت ما لدى اعدائنا من قوة,,, وما بايدينا من حجارات الامل والحياة..يستطيع اقل جراف لديهم ان يسرقها في غمضة عين......
اذن لدينا قوتين اخرتين يجهلها العدو الصهيوني الخبيث او بالكاد يجهل كيفية التعامل معها,,
اولا: قوة الحق وعندما نذكر الحق دعونا لا نتحدث عن اراضي سلبت بالقوة وعن اشلاء جثث مزقت رغم عنا وعن بعض المخيمات التي بعثنا فيها.. وانما انا انظر الى قوة اخرى تماما.. ان اقصد قوة الحق التي منحنا اياها الله رب الكون ورب الاراضي ورب المخيمات ورب العدو الصهيوني نفسه؟! نعم فلولا الله رب العالمين ولولا ايماننا القوي بقضيتنا على انها قضية دين قبل ان تكون قضية سياسية قذرة,, ما كنا حققنا هدفا واحدا مما نرجو وما كنا ادركنا حتى الان دورنا في شريان الوطن العربي الذي استمر لسنوات طويلة دور فعال رغم الضغوط التي تمارسها اسرائيل واعوانها من الاوروبيين والامريكيين على فئات الوطن العربي باكمله من مشارق الارض لمغاربها
ومازالت هذه القوة بايدينا حتى الان ولا نستطيع ان نفقدها حتى ولو بالقوة لانها ارادة رب لا ارادة شعب ارادة رب يريد ان يختبر قوة ايمان بعض مجسات الوطن العربي
فلنحمد الله على وقوف الله معنا دائما في قضيتنا فلولاه ما وصلنا الى كوننا شعب عربي!!!!!!!!!!!
ثانيا:قوة الاستقرار.. نعم الاستقرار الذي طالما اراد العدو العبث به على مدار نصف قرن من المهاترات لخلق شرذمة من الزعزعة والخلافات بين فئات الشعب الفلسطيني .. ولكن هيهات ان يصل العدو الى مبتغاه مادمنا نتمسك باستقرارنا وطن واحد وسلطة واحدة وشعب واحد يمسك بيده حجر واحد يعرف اين يريد ان يقذف!!
الاستقرار الذي ادركنا ولكن بعد فوات الاوان انه السلاح الوحيد القادر على وقف الزحف الاسرائيلي داخل نبض الشعب المناضل.. الاستقرار هو اللغز الذي حير كل العقول الصهيونية الخبيثة وشل تفكيرهم وشل فاعليتهم في الوصول الى زعزعته
الاستقرار الذي افقدنا به العدو ثقته بنفسه على انه قادر على ضرب خطوطنا من الخلف والامام معا,, الاستقرار الذي كنا نحن خالقينه ولكن لا نشعر بوجوده لانه نابع من قوانا الداخلية لا من ترتيب وامعان في اننا ولابد ان نحصل على الاستقرار!!!!
الاستقرار من وجهة نظري هو استقرار القضية في مجراها الطبيعي الا وهو الشعور الجماعي بان لنا عدو واحد وقوة واحدة نحن قادرون على بث الخوف في قلبه عن طريق وقوفنا موقف الرجل الواحد!! الاستقرار من وجهة نظري هو استقرار دمائنا في شريان واحد الا وهو شريان قضيتنا العربية شريان واحد يحمل الاف الكيلو جرامات من الدماء الشريفة ... شهداء اطفال نساء... الاستقرار حلمنا الوحيد الذي طالما حاولت السلطة الاسرائيلية في جعله كابوسنا المريع,,
نعم كنا ننعم بالاستقرار لاننا كنا نحمل بايدينا مفاتيح اللعبة الصهيونية كنا نفهم ونعي جيدا ما هو مبتغاهم ماهو غرضهم الاساسي ... غرضهم الاساسي كنا نحن,
نعم نحن..... كانوا يريدون ان يزرعوا بداخلنا الاحساس بفقدان الامل والشعور بالضياع,كانوا يريدون الاثبات اننا شعب لا نشعر بقضيتنا جيدا.. ولكن هيهات
هيهات ان يصلوا الى هذا الغرض الخبيث.. فبجانب مفاتيحهم التي كنا نحملها في جعبتنا ..كنا نحمل ايضا طفلين صغيرين , نحتضنهم بقوة لان املنا فيهم... منتظرين ان يصل النضج العلقي والسياسي بهذين الطفلين الى الحل الامثل لقضيتنا.. ظللنا نحمي الطفلين من كل الايادي التي ارادت ان تعبث بهم,, ظللنا نربيهم على معاني الوحدة والدين معا,ما بخلنا يوما في اعطائهم دمائنا لكي يسقوا منها, ما عرضنا عنهم يوما ان جائونا باكيين طالبين ثقتنا في تبنيهم قضيتنا على انهم قادرون على حلها الحل الامثل او على الاقل الحل الذي يرضي الجميع....
فتح وحماس, حماس وفتح.. نعم فقد كبروا معنا وكبرنا معهم,, فقد ربيناهم وربونا,, قدمنا لهم اوراق قضيتنا,املا منا على ان يحتضنوها مثلما احتضناهم سويا.. فقد وازرناهم في محنتهم, ووقفنا بجوارهم في افراحهم , وايدناهم برغم كل ما كان علينا من ضغوط حتى نفقدم صفة الشرعية... اعطيناهم كل شئ..
حياتنا, اصواتنا, شبابنا, اطفالنا , نسائنا,علمنا , ارادتنا , حتى جهلنا كنا نعطيه لهم اذا ارادوا ان يخفون عنا شئ ما!!!!!!
وفوق كل هذا وذاك اعطيناهم استقرارنا. استقرارنا الذي طالما حافظنا عليه استقرارنا الذي ما ضعفنا ابدا يوما واحد مدافعين عنه حالمين به...
اعطيناهم الاستقرار ليوظفوه في ارجاع حقوقنا المسلوبة, ولا عجب في ان نفعل ذلك
وقبل ان نضعهم على طريق الكفاح معا جنب بجنب.. اريناهم من هو عدونا الحقيقي,
اريناهم من هو الهدف من وراء اعطائنا لهم كل هذه القوة.. فقد وضعنا لهم اسس المقاومة على زراعنا واسس الشرعية على زراع اخر, وانتظرنا منهم المزيد من المقاومة. والشرعية. والكفاح.... حتى يثبتوا انهم قادرون على المحافظة علينا وعلى قضيتنا وعلى ارواحنا وقبل كل هذا وذاك على استقرارنا.... ولكن انظروا!!!
انظروا ماذا فعلوا بنا.. اثبتنا لهم ان العدو يمكث خلف تلك الستائر الوردية المقامة على افخم قصور تل ابيب.. واثبتوا لنا ان العدو هو الخلافة الابدية والكاملة للنضال.
انا لا انكر ان الهدف الاساسي لكل من فتح وحماس هو نبض القضية ولكن كنت اريدهم معا.. الان يحلم طفلي حماس على امتلاك زمام الامور كل الامور... ويحلم طفلي الاخر فتح في تحطيم شوكة حماس في امتلاك تلك الامور...
ليست تلك الامور عدونا يا ابنائي , فعدونا يمكث هناك ماذا تفعلون؟؟؟؟
وبكل صراحة يفعلون ما فشل الاعداء في فعله.. لقد اوصلنا كل من تعنت حماس وكبرياء فتح الى مرزاب الضياع,, لقد عملنا عشرات السنين على بناء الاستقرار حتى لا يقدر عدونا على زعزعة ايماننا بالقضية... وها قد اتى اليوم الذي يقف فيه البطل موقف المتفرج على مهزلة وضعنا فيها انفسنا... حماس تلقن فتح درس في قوتها الشرعية, وفتح تلقن حماس درسا في وضعها السياسي المفروض...
اصوات حماس تدق اجراس الشرعية الحالمة بها من امد بعيد والتي حصلت عليها من خلالنا ... وفتح تضرب ناقوس خطرا اذا ما استقرت الاوضاع التي ارذلتنا فيها حماس...
تلفتوا الى الوراء, نسوا عدونا الاساسي والوحيد, راحوا يجرون وراء قضية اخرى غير قضيتنا, راحوا يثبتوا لمن فشل في اقناعنا بخيبة الامل انهم غير قادرون على حلنا جميعا..... هذا يريد كرسي طالما حلم به, وذاك يريد شرعية طالما كان فاقدها!!!!
ونحن اي الشعب اي الاستقرار لا عزاء لنا فقد ضاع مننا كل شئ على ايدي من امهلناهم الفرص طويلا,, ضاع مننا الاستقرار قوتنا الثانية بعد الله والحق !!!
اصبحنا نحل قضايانا الداخلية ونسينا تماما ما هو هدفنا الوحيد....
حماس ترفع مطرقتها عاليا, والشعب ينظر تجاهها, وفتح تبسط سندانها تحت الشعب.
والشعب هو الخاسر الوحيد. بل الخاسر الكبير.
هنيئا لك يا حماس قوتك, وهنيئا لك يا فتح شرعيتك, وهنيئا لك يا شعب زعزعة استقرارك.!!!!!
تركوا ساحة القتال الرئيسية . وراحوا يلقون اللوم على انفسهم ,,
عدونا الاساسي ينفذ خطته راميا خلف ظهره اي مشاكل تظهر داخليا.....
ونحن ننظر تحت اقدامنا باكيين على استقرارنا الذي فقدناه على ايدي ابنائنا!!!
.......مطرقة حماس..(الشعب الفلسطيني)..سندان فتح........
...

ولا عزاء للجهل السياسي

تحياتي

بهاء

اللبيب بالاشارة يفهم

ريتشارد وصلاح الدين

بقلم /بهاء عجمي

بعث ريتشارد قلب الأسد برسالة إلى صلاح الدين الأيوبي جاء فيها:

من ريكاردوس قلب الأسد ملك الإنجليز إلى صلاح الدين الأيوبي ملك العرب

مع إحترامي لكل للكون كله

مصر هي ...أم الكون

ومليون طظ في الإعلام

بقلم/بهاء عجمي

مش عارف المصايب نازلة ترف على دماغ مصر ليه كدة

زي ما تكون مصر دي بنت البطة السودة واحنا مانعرفووش

من خمس دقايق بس اكتشفت حاجة غريبة جدا وغاية في الغرابة كمان!!

كنت بتكلم مع اخت عزيزة جدا وصديقة غالية جدا على قلبي

من السعودية

كنا بنتكلموا عن مصر وكدة..وطبعا سالتها سؤال رخم كالعادة ببقى قاصد منه

اعرف حاجة معينة!!

ايه رايك لو واحد مصري عايز يتجوزك يا حنان؟؟؟

وزي ماكون ضربتها بالنار ...قعدت تولول وتلطم وكان ناقص شوية وتنط من الماسنجر

وتديني بوكسين في وشي

وردها كان غريب جدا وصدمة نزلت عليا من السما السابعة

استحالة طبعا اتجوز مصري او حتى لبناني او تونسي !!!

ومالو المصري بقى يا حنان ؟ 

المصري في عين حنان هو راجل ماعندوش نخوة ماعندوش كرامة ماعندووش احساس

المصري في عين بنت السعودية مجرد راجل ديووس ومنافق ونصاب وحرامي

المصريين في نظرها مجرد شوية حثالة عاداتهم زبالة وتقاليدهم زفت

بطبيعتي اساسي يعني مش حسكتلها ...واذا كنتي انتي معاكي حجة انا معايا مليون

كان نفسي اخدها من ايدها واوريها رجالة مصر

اوريها رجالة اسكندرية وزيزينيا والدخيلة والقباري وبحري والمطرية وشبرا والسويس

كان نفسي اعرفها معنى الراجل المصري اللي بتقول عليه ماعندوش اي احساس بالنخوة

منين عرفتي مصر يا حنان؟ من الاعلام

شوفتي فين الراجل المصري ؟ في مسلسل مش عارف ايه كدة

الاعلام بتاعنا ناقل صورة عننا غريبة جدا

يمكن يكون الاعلام مش صادق في معظم الاحيان

واكيد هي كمان استقبلت وفهمت الاعلام غلط ..مش عايز اقول كل بلد فيها وفيها والكلام ده

انا دليلي وحجتي مش بالكلام

انا دليلي بالفعل

رجالة مصر

خير جند الارض ..شجاعة بلا حدوود..كرامة لا غار لها

يمكن عندنا مشاكل سياسية في بلدنا بس مش معنى كدة اننا مش رجالة

فيفي عبده وهالة سرحان وسمية الخشاب مش هما دول المصريين يا حنان

المصريين هما اللي مشوا الوطن العربي كله في يوم من الايام

المصريين اللي ليهم فضل على بلدك وبلد غيرك وكل الوطن العربي

في نقل العلم ونشر المعرفة

المصريين اللي حاربوا مرة واتنين وتلاتة

ولسة بيحاربوا لحد دلوقتي جوة بلدهم

رجالة مصر يا حنان

مش سمير صبري وعمرو دياب وخالد ابو النجا

رجالة مصر عايزة تشوفيهم افتحي اي كتاب علمي عندك اقري التاريخ شوفي مين عملو اصلا

اكيد كل بلد فيها وفيها..بس ده مايمنعش ان الحكم على بلد بحالها عشان شوية اغبياء يبقى ظلم

كلمتني عن مسلسل اطفال الشوارع وقد ايه المسلسل ده نقطة سودة في تاريخ العادات والتفاليد المصرية

يمكن الاعلام بتاعنا بيهدف للربح والفلوس ومش حاطط في باله حكاية تشويه صورتنا دي

في السعودية والكويت والخليج مش متخيليين ان في في مصر رجالة عندهم نخوة وشجاعة واقدام

مع ان الراجل المصري خيره على الهند قبل باكستان

وحنروحوا بعيد ليه...ابني على كتفي واروح ادور عليه؟!!

الثقافة: كلنا عارفين ان الشباب المصري هو اكتر فئة مثقفة ومتعلمة في الوطن العربي كله

الفكر: رغم ان فكرنا مكبوت ومحبوس شوية لكن عمرنا ما كنا زي البهايم ناكل وننام

الاخلاق: اينعم عندنا مطربين ورقاصين وخلافو بس عندنا ناس لو اسمعك اساميهم تقعي من طولك

وفي كل المجالات (العلم.الادب.الثقافة.الفكر.الفن)

الشجاعة:مش محتاجين نتكلموا عن الشجاعة يكفي اننا مرينا باختبارات والحمدلله نجحنا فيها

مصر مش مجرد مسلسل هايف مثله نور الشريف والا حلقة عملتها حنان ترك

مصر هي التاريخ بتاع الوطن العربي كله

مصر هي امك وام الدنيا كلها وامي انا كمان

مصر زي ما جابت فنانة صايعة والا مطرب متخلف

زي ما جابت رأفت الهجان والشعراوي ورفاعة الطهطاوي

وغيرهم ملااااايييييييييييييييييييييييييييييييييييين

لو كان الاعلام بتاعنا مش قادر يوصل للناس قد ايه مصر فيها رجالة قادرة تغير وجه الكون

وبيركزوا بس على الراجل الديووس اللي اخته مش لابسة طرحة واللي امه مطلقة

يبقى الخلل من عندنا احنا مش من عند اللي بيستقبل الاعلام

الراجل المصري تعالي اتفرجي عليه في رمضان وفي الشوارع وفي البيوت

تعالي اتفرجي على الرجولة بجد

مش رجولة (تلك حدود الله فلا تقربوها) ويقربوها !!!!!!

تعالي اتفرجي على رجالة مصر بعقلهم الواعي المفتح وفكرهم الرجولي القوي

زي ماحنا بنشوفوا عندكم جواد العلي وزينب العسكري وراشد الماجد

زي مانتم بتشوفوا اشكال زبالة من عندنا

بس احنا مش بنحكم على شعب كامل من خلال شوية بهايم بتجري ورا الفلوس !!

انا مش عايز اعمل زيكم واحكم على شعب من خلال فئة خسرانة

بس حجيبلكم مثال

ادخلوا اي موقع عربي خليجي او عربي عامة ويكون في مقاطع بلتووووث

وما ادراك ما البلوتووووث

مافيش مقطع مصري ولو فيه مش حيجي صفر ع الشمال جنب المقاطع الخليجية واللي فيها

بس احنا ماقلناش ان الخليج كله كدة؟ ليه ؟ لاننا عاقلين وعارفين ربنا وعارفين كلامه كويس

(لا فرق بين عجمي واعربي الا بالتقوى)

احنا مش عايزين نفرقوا بين الخليج وبين المليج احنا بنتكلموا عن وحدة عربية

وانتم بيتفرقوا بينا وبينكم من خلال مسلسل اتفرجتم عليه!!

مش حتكلم عن مميزات الاعلام بتاعنا  اكيد له مميزات طبعا

بس حطلب منكم انتم تتكلموا ان عيوب الاعلام بتاعكم

لو شايفين ان الدنيا كلها واقفة على راي واحد او اتنين او حتى الف خليجي او عربي

يبقى مش حقول غير كلمتين

مصر ام الكون كله ....مصر ام الدنيا بحالها

التاريخ شاهد على كدة انا مش بجيب حاجة من عندي

لكن كمان التاريخ بيقول ان انا نفسي ماشفتش ليكم اي تاريخ

انا ليا صحاب كتير جدا في السعودية والكويت والخليج كله وكلهم معايا في اللي بقولو ده

وانا مش بكره حد على حساب حد وعمري ما فكرت في العرب غير ان كلنا واحد

وكل مقالاتي شاهدة على كدة وفي منهم هنا مقال اسمه (هكذا نحيا امة بلا جدل)

لكن مدام حيوصل الامر ان الاهانة تكون لشخصنا ورجولتنا والتشكيك فيها

يبقى سوري

طظ في اي انسان مايعترفش بان مصر ام الدنيا

والله حتتهموني بالجهل والانسياق والتسرع !!! مايهمنيش

انا الحاجة الوحيدة اللي تهمني  (انكم اكيد متاكدين من صحة كلامي) بس كبرياءكم مخليكم مش شايفين

مش شايفين حتى تحت رجلكم

مش عارفين مين الي بينقل ليكم العلم والطب والهندسة والرياضة والادب

مصر زي ما فيها ايهاب توفيق وسمير صبري ومصطفى قمر

زي ما فيها بهاء عجمي وعمر بطيخ ومحمد رفعت وتامر اشرف

مكنتش عايز اسلوبي يكون لازع كدة ..لكن اعذروني  دي بلدي

وحتى لو مش بلدي

دي مصر

عارفين يعني ايه مصر

يعني مصر

وطظ في رايكم

وطظ في الاعلام

ومنه لله اللي في بالي !!!

وليه اقول اللي في بالي ...بيتهيالي انا مش ناوي اخاف تاني

ومنه لله مبارك نفسه ...واللي يحصل يحصل

ادي الرجالة المصرية يا جماعة

اللي في اقل من خمسين سنة مروا بمصايب لو مرت بيها اي بلد غيرنا كانت اختفت وانتهت

لكن احنا مكتوب لينا ماننتهيش

عارفين ليه

عشان احنا مصريين

مين هما المصريين

(مهد للديانات..انبيا ورسالات..لو كنوز الدنيا ما تسوى شبر واحد فيها)

(مذكورة في القران..طريق سلام وامان..ابراهيم والعذرا وعيسى ويوسف خطوا عليها)

(ابني راح ومجاش..ماضعش حقه بلااش..لما كان فيه حرب ماستناش)

(جت بتضحيات..حب إنكار ذات..مصر جت بسلام ماسلمناااش!!!!)

(مصر حق اتجاب..عمره يوم ماتساب..ياما ضحوا كبار صغار وشباب)

(مصر يعني سلاام..صورة اه يا سلاام..عن جمال الساحر الخلااب)

(طمعوا فيها كتير..بس دفعوا كتير..ارض طاهرة وليها رب كبير)

(من بداية الكون..ربك خلقها تكون..رزقها واسع وكلها خير)

ولو اي شعب اتحمل اللي احنا اتحملناه؟

انا موافق احترم رايكم او اتجاهله!!!!!

تحياتي

مصري

الشرطة في خدمة الشعب (قديمة)

الشرطة في نكسة الشعب (مبارك علينا)

بقلم /بهاء عجمي

النهاردة انا مش جاي اتكلم عن موضوع الظلم واللي الشرطة بتعملوا في الناس والكلام ده

لان من الاخر كدة كلنا عارفين الشرطة بتعمل ايه

حتى من قبل وكسة الدستور الممزق بتاعنا ..الشرطة ليها باع طويل في الظلم البشري

وفي تحقير الانسانية وسحق كرامة المواطن المصري

من قفيان لنفخ في التوتة لتعليق من الاقدام ... واختراعات وحوارات واشغالات

وكل ده مش جديد

انا ححكيلكم عن حاجة بتحصل تقريبا يوميا في محافظة من محافظات صعيد مصر

محافظة اسيوط

محافظة اسيوط فيها شباب كتير مغتربين اللي بيدرس واللي بيشغل واللي عايش

يعني تقدروا تقولوا كدة كلها شباب

الشباب دول بعيد عن اهلهم وصحابهم وجيرانهم بسكة سفر طويلة جدا

اكيد بتقابلهم مشاكل وصعوبات وخساير في حاجات كتير جدا

لكن اول ما الواحد من دول  يشغل مخه شوية ويقول انا لازم اشوف حل

ربنا بيلهمه علطول وبيهديه للطريق الصح (الهداية)

يقوم الشاب منهم يمشي في طريق الدين يتعرف اكتر عليه

يربي دقنه يقصر البنطلون يصلي في الجامع  يقرا قرأن

بذمتكم هل دي حاجة غلط ؟ والا يفضل زي ما كان الاول قبل الالتزام

مخدرات وبنات وقلة ادب ومصخرة

المهم

يلتزم صاحبنا ويمسك نفسه عن كل المعاصي اللي كان بيعملها ويوحد ربنا في قلبه

وينزل الجامعة ع الصبح بدري عشان يشوف دروسه

ولكن ...بوابة الجامعة بالمرصاد لهذا النوع من الشباب (الملتزم)

وكأنه يسرق لحيته ويسالونه (من اين لك هذا)

فين كارنيهك؟ انت في كلية ايه ؟ مربي دقنك ليه ؟ انت بتصلي والا ايه ؟

ممنوع دخول الجامعة بالمنظر ده ؟!!!!

في الوقت نفسه ان ده كان منظر النبي محمد عليه الصلاة والسلام

اللي احنا بنثوروا وننفعلوا لو حد غلط فيه وفي منظره

ادي منظر النبي (ص) بقى ممنوع من دخول الجامعة

الشباب عادي بقى حيعملوا ايه

خلاص نرجعوا البيت ..هات الكارنيه يا عم عشان نروحوا

لا يا حبيبي الكارنيه ده تروح تاخده بالليل من امن الدولة  لاننا حنوديه هناك دلوقتي

هو الشاب ده عمل ايه لكل ده ؟ ده بالعكس المفروض تحترمووه

ده عرف ربنا ! لا بيتبع جماعة ارهابية ولا حتى له اي نشاط سياسي

مجرد انه بس مرة فكر صح

فكر ان الدين هو الحل للي هو فيه من غربة ونكد ومشاكل وبعد عن اهل

يمنع من دخول الجامعة يسمع كلام مالوش اي معنى ويروح بالليل امن الدولة ومش بمزاجه بالعافية

ده غير الحملات اللي بتجيلنا ع الشقق كل يومين تلاتة

ايشي امن دولة ايشي مكافة ارهاب ايشي اداب ايشي مخدرات

ويقعدوا يرزعوا ع الباب ولا كأننا مخبيين بن لادن عندنا

زي ما الامريكان بيدخلوا بيوت العراقيين يفتشوها

وياريت بيتكلموا بطريقة عدلة او محترمة او حتى بالذوق وصوت واطي

كارنيهاتكم يا ولاد الكلب اخلص يا روح امك انت وهو انت لسة حتطلع المحفظة

وطبعا لو حد جرب يفتح بقه ويقول بم

حنسمع بجانب الكلام ده اصوات تانية زي (طاخ طيخ اي اوه طاخ اي اوه اه )

كل ده ليه ؟ وعشان ايه ؟ عشان انتم طلبة في جامعة اسيوط

طب لو مثلا الطلبة دول ليهم نشاط ارهابي او اجرامي او مسجلين خطر

ممكن نقولوا حقهم يعملوا كدة ومش مهم حكاية حقوق الانسان دي نتغاضى عنها

لكن كل ذنبهم وذنبنا انهم طلبة جايين قاصديين علم

المهم

صاحبنا يروح امن الدولة بالليل يجيب الكارنيه بتاعه عشان يبقى معاه حاجة تثبت انه طالب

يدخل للظابط والظابط طبعا بكل احترام بيقعده على الكرسي

بس مس مش الكرسي الجلد اللي بالكم فيه

ده كرسي تاني كدة طوووووويل ورررفيع وساعات بيتحرك  (كرسي اعتراف يعني )

وهاتك يا اسئلة

انت بتصلي ؟ انت مسلم ؟ انت بتاكل ايه ؟ مربي دقنك ليه ؟ يعني انت فاكر انك كدة صح ؟

ياخي يلعن ابو ام الحكومة اللي بالشكل ده !!!

بقى بدل ما نحافظ على دينا ونحس الشباب على انهم يلتزموا بنكرهم في الدين بتاعنا بالطريقة الفظيعة دي

بجد بجد يعني ,ده حرام ده ظلم ده افترى ده لو يهود مش حيعملوا فينا كدة

والواد يا عيني بيجاوب بكل صراحة ماهو ملتزم بقى

بصلي عشان انا مسلم . مربي دقني عشان بقتدي بالنبي محمد .بقرا قرأن عشان بيريحني نفسيا

يعني اجابات كلها منطقية جدا ومحدش يقدر يقول ان الواد ده ارهابي او مسجل خطر

ده انا لو مكان الظابط ده كنت بوست على راس الواد وقلتله ربنا يوفقك يابني

انا مش عارف في ايه

المهم بعد ما يجاوب المسكين على كل الاسئلة دي وبكل صراحة طبعا

يرد الظابط يقله (بكرة تروح تحلق دقنك دي وتبطل الهبل اللي انت بتعمله ده)

الاسلام بقى هبل ؟ الالتزام وحب الدين والتمسك بيه بقى عيب ؟ الايمان والتدين في زمن مبارك بقى حرام ؟

انا نفسي اشوفهم حيعملوا ايه يوم القيامة الناس دي ؟!

وطبعا الولد ده حالته النفسية تبوظ وتبقى في الارض ويطلع من امن الدولة بيسب ميت دين

ماهو لا كدة نافع ولا كدة نافع

لو شرب مخدرات ومشى مع بنات وبقى بيسمع اغاني ويتفرج على سكس حيبقى عيل فاشل وربنا مش راضي عنه!!

ولو ربى دقنه والتزم ومشى في طريق الدين وبقى بيصلي وعارف ربنا حيبقى اهبل والحكومة مش راضية عنه!!

انهو احسن ؟ الحكومة ترضى عنك  والا ربنا ؟؟ طبعا كلكم عارفين الاجابة والحل

وعشان كدة

بيرجع الولد ده تاني يشرب سجاير ويعاكس بنات ويسب دين ويرقص ويتنطط ومش بعيد يقلع في الشارع

عشان رضى الحكومة والشرطة بتاعتنا

بذمتكم

اي شرع واي دين يقول

انا عايزك تكون بلطجي وصايع ومش عايزك تكون ملتزم ومؤمن

ده شرع مبارك ربنا يباركله في صحته يارب

ويهديه بقى

يمكن يربي دقنه هو كمان ويروح امن الدولة ويعرف ساعتها هو كان بيعمل فينا ايه

بس بجد

احنا لو فضلنا كدة ساكتين ع الظلم ده علطول عشان خايفين من موت وسجن وتعذيب وكدة

يبقى اسف اسمحولي اقولكم  (حتبقوا كلكم زي الظابط الحيوان ده )

هو بيعصي اوامر ربنا ويطيع اوامر الشرطة ومبارك

وانتم بتعصوا اوامر ربنا وتطيعوا اوامر الظابط

ع العموم انا حكايتي ماخلصتش مع الشرطة المصرية

لان ليا معاها حوار طويل جدا حصل في قطار الصعيد حبقى اقولهلكم بعدين

وتحياتي لماما سامية والاسرة والاخوات وسوسو وموسو وكوسو وبوسو

ومن اسرة البرنامج لانكل زيد وعبيد وبهديلكم الاغنية دي

(كل شئ انكشفن وبان) ويان ها ....بغمز ها .. الحدق يفهم بقى

تحياتي

بهاء عجمي

بقلم /بهاء عجمي

لا اعرف ما الذي فعلته حتى استحق القتل بهذه الطريقة البشعة

ربما لانني احببت ومن كل قلبي

فهذا مبرر كاف ان يعطيها الحق في ان تمزق جسدي وبكل برود

منذ الوهلة الاولى وانا على اقتناع تام  بان حبي لها هو شعور حقيقي وحتى اخر لحظات عمري

غرست خنجرها المسموم في قلبي دون شفقة او رحمة

فقط لانني احبها

لا داعي لان تحب فلقد اخطات مسبقا

خطأ مر عليه سنين وسنين يعاقب عليه المحب بالقتل الفظيع

انا اخرج كل ما بداخلي من مشاعر واحاسيس وهي تخرج من طيات عقلها خنجرها الغادر

ياليتني كنت اعلم انها تنوي فعلتها لكنت اخذت حذري

ولكن كيف ااخذ حذري ممن احببت

هل ساعاقب يوما ما لانني قلت لها احبك ؟ من المستحيل

من المستحيل ان اصدق ان مشاعري ذهبت معها هباءا لانني فقط احببتها

قتلتني بكل ما اؤتيت هي من قوة ولا رحمت دموعي ولا رحمت توسلاتي لها

فقط تذكرت خطأي المعهود واللذي مر عليه الااف السنين !!!

تذكرت شئ هي لم تنساه بل اختزنته في عقلها الباطن وهي على كامل المعرفة

بانني ساتعلق بها اكثر واكثر ومن ثم احبها ثم لا استطيع التعايش من غيرها

وهنا ستكون لحظة غرس السكين في ظهري ..لا بل في قلبي

قتلتني وقتلت معي مشاعري تجاهها

انا لا انكر انني احببتها وبكل صدق .. احببتها طوال سنوات عمري

انتهزت فرصة ضعفي في حبها وقررت الا تخطئ الهدف هذه المرة

يا له من شعور غريب حين تشعر بانك مظلوم ممن تحب

حين تشعر بان قلبك ينزف دمائه مرتين

مرة بحب انسانة تحضر لك موتا سحيقا

ومرة بقتلها اياك

ماذا فعلت انا ليكون الحكم علي بالاعدام بهذا الشكل ؟

احببتها !!

هذا هو ما فعلته هذه هي جرمتي

فجاة وبدون مقدمات بدات خطتها المروسة في التنفيذ

هدوء في الحديث الاخير والميعاد حتى تشرب الطعم

وحين تشربه

يجئ وقتها في نزع فتيل الهدوء المسبق والمخطط له

طلقات نارية مصحوبة بطعنات خنجر لعين تصب في قلبي

وانا..اتوسل واتوسل واتوسل

لم اتوسل لكي لا تقتلني

بل توسلت لانني كنت احبها ...ولكن هي لا تبالي بهذا الحب

فدائما وابدا كانت تحلم بالثأر ..وها هي تثار لكرامتها

تتحدث بالاخلاق والقيم والمبادئ من وراء ستار الغدر والظلم

لا احد يعرفها الا ويقول انها ملاك من السماء هبط لينعش الارض

ولا احد يعرفني الا وقال انني مثير جدل ومشكلات

اذن فحين قتلها اياي .. لن يلحظ احد اي تغيير

فهي ملاك وانا شيطان رجيم

ولكن هل رأى احدكم من قبل شيطان يحب من كل قلبه

قتلتني وتعتذر ؟

يالها من لحظات قوية المثبت حين اقترفت ذنبها بقتلي

انا لا الوم نفسي هذه المرة

بل الومها هي لانها اضاعت كل ما تخزن بداخلي من مشاعر واحاسيس تجاهها

اضاعت حب لم يحبه انسان من قبل لاي مخلوق اخر

اخذت بالثأر لانها ملاك من السماء

وها هي تنفذ الشريعة المتحدثة عنها وباسمها

اي شرع هذا الذي يتيح للملاك ان يقتل شيطانا رجيما لمجرد انه اخطا قديما

هي في قمة الانتعاش الان غير ملمة بأي جرح نزف بداخلي

فكل همها هو الانتصار والثأر

وها هي تنجح ونجاخها جاء من اجل حبي لها

احببتني ايها الغبي,, اذن فلتدفع تمن حبك لي

القتل

القتل

قتلتني وتعتذر

ومازلت احبها

تخيلوا

حاولت  انا بشتى الطرق ان ارغمها على حبي لها واجعلها قابلة له

وحاولت هي الاخرى ان تقنع نفسها بان راحتها في قتلي

ارجوكي لا تفعلي  ارجوكي تمهلي ارجوكي انتي تظلمين وتقتلين وتعبثين بقلب احبك

ما الذي تقوله ايها الغبي اللعين

اي قلب هذا الذي احبني..سأأخذ منك الثأر ولو على حساب مبادئي

يا لها من ملاك طاهر نزل من السماء الى الارض

يا لها من قاتل هاو لا يعرف ادنى شئ عن الحب

والاعتذار

الاعتذار جاء بمثابة اغلاق الستار على هذا الكابوس المزعج

ها قد ثأرت لكرامتي  اذن فلأعتذر

وقت مناسب

انا انزف في جرح عميق مستنفذا قواي في اقناعها بانسانيتي !!

وهي تغرس سكاكينها وخنجرها في قلبي في ان واحد

والجمهور

صيحات اقتليه اقتليه اقتليه

فهذا هو الشيطان في نظرهم

وهي الملاك الطاهر البرئ الذي جاء ليخلص الدنيا من شري

ولكن للاسف

قتلتني ولم تقتل حبي لها

فبرغم كل طعنات الغدر التي حطت علي وغرست بداخل صميم قلبي

الا انني لم انعتها بالقاتلة

لم انعتها سوى بحبيبتي

اخرس

حبيبتي

اخرس

حبيبتي

يااااااااااااااااه  شعور غريب محاط بالشفقة من كل مكان

توسلات ودموع وربما جرح عميق

ولا حياة لمن تنادي...فقط استمتعت هي بهذا الجزء من السيناريو المخطط

تقنع نفسها بانها على صواب ..وهل يخطئ الملاك الطاهر البرئ ؟؟!!

لا بل يخطئ الشيطان فقط ...(في عيون الناس)

ولكنه كالعادة بالمرصاد لكل لحظات الغدر والخيانة

ربي ورب الكون وربها هي الاخرى

سيريها يوما ما ..ان قتل انسان محب

كلفها غاليا

ربما مشاعرها الباردة واخلاقها الزهيدة

ربما مبادئها التي اصبحت كادبة

فلقد قتلت واقترفت ذنب عظيم

كيف لها بعد الان ان تتحلى بالايمان والتوبة

ربما

ولكنها

قتلتني وتعتذر؟!!

.

مازلت احبك حتى الان ايتها الشقية

مازلت احبك حتى الان رغم تمزيقك لقلبي

مازلت احبك لانكي قطعتي اوصالي بالحياة

ولكنك لم ولن تستطيعي ان تقطعي اوصال حبي بكي

أحبك

تحياتي

بهاء

مجرد رؤية في وجهة نظر .......بقلم/بهاء عجمي

 عندما نتحدث عن المرأة سنجد أنها مخلوق غاية في الرقة والهدوء

تمتاز عن جنسنا نحن الرجال بخصال عديدة وربما يكون خلونا من تلك الخصال ميزة فينا نحن ايضا

ولكن

اذا نظرنا الى احوال المرأة العربية بالاخص في تلك الايام

سنجد امرا عجيبا ...فهي بعيدة كل البعد عما تعودنا عليه والفناه في المرأة

ربما تعنت فكري او طيش ثقافي يودي بهم الى حافة هاوية هم غير ملمين بها

عامة انا لا اتحدث عن كل النساء ففكرتي تصب على نوع اخر وهو موجود بالفعل

تعالوا معي

اتفقنا جميعا ان المراة هي المخلوق الشريف العفيف الرقيق الضعيف

اللذي يلهمنا نحن الرجال حب الحنان والطيبة والوجود الانثوي بجانبنا

ويفقدنا احيانا كثيرة لحظاتنا الحلوة

وكلنا نعلم ان المراة هي نصف المجتمع العربي ان لم تكن كله

فهي مربية الاجيال وناشئة المستقبل ومحددة عجلة الحياة الاسرية

واعتقد ان هذا مبرر كافي لدينا حين ننظر الى اخطاء المرأة نظرة اخرى عنها في الرجل

لان المراة في نظرنا مخلوق لابد وان يتسم بصفات ما تحدد له اولويات حياته ومبدأيات اسلوبه

انا لا اقول انها ولابد ان تكون معصومة من الخطأ

ولكن لابد وان تكون اخطاءها في حدود كيانها الانثوي المعروف

فمثلا نظرتنا للمراة المدخنة غير نظرتنا للرجل المدخن

نظرتنا للرجل العاري تختلف بالطبع عن نظرتنا للمراة العارية

وهكذا...كلها امثال تحتم علينا ان نفرق بين نظرة المجتمع العربي للمراة والرجل

خصوصا في امور عدة تختص وتعتنق فكر المساواة

فانا مع المسأواة بكل كياني ...ولكن اي مساواة ؟!!!

موضوعنا (الخيانة)

كلمة خيانة تحيط من يسمعها بالخوف والرعب

يالها من كلمة هادمة لكل مقاييس الفكر والعقل

خصوصا حين تاتي في مجرى الحياة الزوجية

فكلنا نعرف خيانة الصديق لصديقه وخيانه الرئيس لشعبه وخيانة الاخ لأخوه

ولكن لها طعم اخر ومذاق حنضل حين تسمعها (خيانة المرأة لزوجها)

بالطبع هي كارثة بكل المقاييس المتعارف عليها اخلاقيا

وفي مقالي هذا لا اتحدث عن خيانة المراة الجنسية لزوجها!!!

ففي وجهة نظري ان الخيانة تشمل افعال اخرى لا تقل اهمية عن الخيانة الجنسية للزوج

كالكذب والتعنت والتصلب والنفاق والاخذ بالبين

كل هذه افعال تكسب المرأة صفة الخيانة ان فعلت احدهما مع زوجها

ربما يأتي على احد الاشخاص يوما يطلب من زوجته ان تفعل كذا ولا تفعل كذا وكذا

وهذه هي سنة الحياة

وبالاتفاق والاقتناع فيما بينهما يرسون على بسفينة الزوجية على شاطئ افعل ولا تفعل

وموافقة وغير موافقة

ثم تجئ المراة بعد ذلك وبعد اتفاقها مع زوجها بالا تفعل كذا حتى في غيابه

وتفعلها

والامثلة عديدة ومتنوعة

الاتفاق على عدم الخروج في يوم معين الاتفاق على ارتداء ملابس معينة الاتفاق على عدم دخولها شبكة الانترنت

في غيابه او حتى حضوره

وبما ان تلك الامور جاءت عن اتفاق فيما بينهما

ففي وجهة نظري ان فعل احداهما دون الاخذ باذن الزوج هي خيانة !!

نسمع كثيرا عن المحادثات الكتابية والصوتية على الانترنت

ونسمع ايضا العديد من المشكلات التي تأتي من هذا القبيل

وعادة ما كانت تنتهي تلك المشكلات بابغض الحلال (الطلاق)

هذا مثال حدث معي في احد المواقع التي بها محادثاات كتابية

وتقولها وبكل صراحة (جوزي لو عرف اني بعمل شات حيطلقني)

اذن هي تعرف كامل المعرفة ان مجرد وجودها في تلك المكان هو شئ خاطئ وفعلة مشينة

على الاقل بالنسبة لزوجها ....وحتى لو لم تفعل هي على هذا الشات الا الدردشة المفيدة

حاولت ان اقنعها بشتى الطرق بأن ما تفعله هو خطأ فادح في حق زوجها بل في حق المراة نفسها

فمادمتي قد اتفقتي مع زوجك الا تفعلي كذا ..اذن فقد اقتنعتي بوجهة نظره في عدم فعلها

ثم تفعليها وانتي تعلمين جيدا انه خطأ وربما يفيض الى ابغض الحلاال عند الله

وتبرري فعلتك بانكي لا تفعلين شئ خطا

عفوا

مجرد دخولك الى تلك الشبكة وانتي تعلمين جيدا ان زوجك يكره هذا (تلك خيانة)

ربما يتهمني البعض بانني معقد في وجهة نظري هذه

ولكن هذا لا يهمني

مادمت مقتنعا بأن الكذب في حد ذاته خطأ

اذن لماذا اكذب؟ وعلى من؟ على زوجي

كيف ستكون نظرتك الى زوجك بعد ذلك وانتي تفعلين شيئا هو غير راض عنه

وتتكتمين عنه لانكي تعرفين انه سوف يهيم غضبا

وهذا مثال بسيط

اما عن الكثير من الامثلة في الخيانة الزوجية (الغير جنسية)

فعندي منها في جعبتي الااف الامثلة والدلائل وبالحجج

من منكم يعارضني في ان فعل شئ من وراء الزوج غير مضطرة هو فعل خطأ

من منكم يتفق معي في ان الكذب ومهما كان بسيطا ومغلفا يسمى كذب وهو ايضا شئ خاطئ

اذن فلماذا نفعل الخطأ ونبرر صحته بقول بسيط (اينعم هو مايعرفش ولو عرف حيطلقني بس انا مابعملش حاجة غلط)

ماعتقدش !!!

الخطأ كل الخطأ  في الاعتقاد بأن فعل الخطأ بغير خطأ ليس بخطأ

اعذروني

ربما تكتمت داخل صدري امثلة اخرى وعديدة

ولكنني اعلم جيدا ان هناك الكثير منكم متفقا معي

وفي النهاية

الخطأ هو الخطأ

والكذب هو الكذب

ولا يسعني الان الى ان اقول

ربنا يهدي

واقول

تحياتي لكل الازواج والزوجات المحافظين على بيوت ازواجهن

والله المستعان

..

بهاء عجمي

ونجحوا الأخوان في فشلهم!!

بقلم/بهاء عجمي

في بداية حديثي عن الاخوان المسلمون

كان مني ان اعترف وبكل صراحة انني اعرف منهم الكثير والكثير

وهم من اعز اصدقائي واحبابي

وهذا لا يمنع اختلافي معهم جميعا في وجهات النظر ومواطن الامور

ولكن حين اتحدث عن الاخوان المسلمون لا يسعني ذكر كل اخطاءهم في مقال واحد

فلقد قدمت مقالات عديدة ومتنوعة في هذا الامر في اكثر من منتدى وملتقى عربي

بداية من مقالي المثير للجدل (ونجحوا الاخوان في فشلهم)مرورا بـ (الاخوان ملوك الجان)

ونهاية بخاطرتي في منتدى ملاك روحي (الاخوان يصنعون الجهل )

وفي كل مرة كنت اصحو على دليل اخر من الادلة التي تثبت ضعف كيان الاخوان المسلمون

في تحليل وزحزحة وتغيير الوضع الراهن اللذين يتمسكون بتسميته راهن

اختلفت كثيرا مع معظم قيادات وكوادر الاخوان المسلمون في الاسكندرية

ربما لانني كنت اتكلم معهم على سبيل المصالحة الفكرية

فهاتوا بافكاركم وااتي بفكري وهنا يكمن مربط الفرس

وفي كل مكان ومرة يجيئني احدهم بفكر غريب ومنطق عجيب

يحسبون السياسة هي لعبتهم المحترفون فيها

وهم بالكاد لا يعرفون عنها سوى تعريف واحد فقط (المصلحة الشخصية)

في مرة من المرات وبعد كتابتي لمقال في منتدى عربي  وكان تحت عنوان

(مفهوم السياسة وسياسة المفهومية) طلع علي احد المولعين بالفكر الاخواني العقيم

ليخطرني بانني العب في منطقة ليست بمنطقتي

وكلامي عن الاخوان ليس من وحي الخيال او التصنع

انا اتحدث يوميا في جوانب الاسكندرية مع العشرات منهم

وافهم جيدا ما هو فكر الاخوان وما هو منطقهم ان كان هناك منطق من الاساس

الاخوان يرتكزون على رقعتهم الواسعة من التعداد ولا يهمهم ما مدى تاثيرهم فيمن حولهم

ولو نظرنا الى كوادر الاخوان المسلمون الشبابية لوجدنا انهم ليس لهم ادنى علاقة بالعملية السياسية المصرية

فهم كالعرائس والدمى

تحركم القيادات بطرفة اصبع ..ليس لديهم اي فكرة عما ياخذون من اوامر

وهنا ياتي الجهل

ان سالت احدهم من تلك الكوادر عن ماهية علاقتهم  بتلك الاوامر

يقولون ....قالوا لي كذا البلد فيها كذا وكذا

وان سالته مرة اخرى ولماذا لم تفكر في صنع الامر الذي اتخذته

كان من الاحرى به ان يرد على هذا السؤال !! اعتقد انه بالغ الصعوبة

على الاقل بالنسبة لكوادر الاخوان من الشباب المنساقة جهلا!!

جربت ان اتحدث معاهم في شتى الامور حتى لا اصنع فكرتي عنهم هباءا او جهلا

ولكن للاسف  في كل مرة اخرج منهم بخطا اخر يفعلونه

اصبح الشباب منقاد بطريقة غريبة

ليس لديهم اي فكر او طموح او كفاح في التغيير

يحسبون ان ما يفعلون من مهاوشات ومظاهرات وجعجعة

يحسبونه نشاط

انه هبل وغباء

هل يستطيع احد منهم ان يقول لي ما مدى التغيير الذي احدثته

جماعة الاخوان المسلمين في جمهورية مصر العربية ؟؟

رغم وجود كيانهم في مصر من عشرات السنين

هل يستطيع احد منهم ان يقنعني بانهم استطاعوا ان يوقفوا الظلم والبطش ؟؟

هل يستطيع احد منهم ان يريني تغيرا واحدا انصب على شباب الاخوان ؟

بالطبع لا

فكرهم خاطئ ...وحين اتحدث عن الفكر  ساكتب عنه مرة اخرى

شعاراتهم كدابة وهوجاء

يرفعون اصواتهم عن جهل وهذا اكبر خطا يقع فيه الاخوان

قديما من حوالي ثمانية اعوام كنت اعرف صديق عزيز مازلت اعتز بصداقته حتى الان

يدعى (محمد المرجيتلي) وهو من كوادر الاخوان المسلمين النشطة كما يقولون

ويتنبئون له بانه سيكون ايضا احد القيادات النشطة في يوم ما

فهم يصنعونه ويزخرفونه ليكون واجهتهم نحو الشباب

تحدثت معه مرارا وتكرارا ..عن كل شئ

فكره يكاد يكون معقول  ولكن ليس لديه اي منطق

ودائما اقولها له (اي فكر هذا الذي بلا منطق )

هو نفسه يعلم ان لا شئ تغير على يد الاخوان المسلمون

الا حياته

فقط حياته هي ما تغيرت منذ انضمامه الى قاعة الاخوان المسلمون المغلقة

في مسجد ابو بكر الصديق بالاسكندرية

حصل على وظيفة معقولة ...ارتدي البدلة الشيك

لا تغيير قط في العلم والفكر والتدين

فقط الاسلوب ربما يكون تغير الى الاهدى وليس الى الاحسن

فهناك فرق بين الهدوء والاجادة

ومع كل ذلك فهو متمسك برأيه عن جماعته المرموقة !

انا لا اشك في رايه فهو على حق

ربما لان في انضمامه اليهم مصلحة ما !!!!

اين مصلحة المجتمع؟ مافيش

اين مصلحة الحرية ؟ ماتلاقيش

اين مصلحة التغيير؟ ماعنديش

سيخسرون شباب الاخوان يوما ما عقلهم ودينهم ودنياهم

لمجرد انهم تبنوا فكر الاخوان المسلمون الخاطئ

الشباب هم عجلة التنمية المستقبلية وراية الفكر والحرية

كيف ينقادون تحت شعارات كدابة بلا امل في اي شئ

كل الدلائل تثبت صحة كلامي

ومن يعترض على حديثي هذا

يأت لي بشئ واحد فقط فعله الاخوان المسلمون لمصر ؟؟!!!

هاتوا لي شئ واحد فقط فعله الاخوان المسلمون لمصر؟؟!!

بالعكس

فهم يهينون الشباب ويستهانون بعقلهم

فقط تحت راية

(الاسلام هو الحل)

sure الاسلام هو الحل ده غصب عن عينا جميعا

بس مش بطريقة الاخوان المسلمون

الاسلام هو الحل

بطريقة محمد حسين يعقوب و ابو اسحاق الحويني و ابن باز

بطريقة ابن تيمية و محمد حسان وسعيد الروبي

بطريقة ياسر برهام ومحمد اسماعيل مقدم

يعني الفقه والسنة والقران

مش الصوت العالي والجعجعة ع الفاضي

ع العموم

حبقى اكتب موضوع كامل عن فكر الاخوان المسلين الخاطئ ده

والله المستعان

تحياتي

بهاء عجمي

أعتذر لكل من أحببتهم

بهاء عجمي

هو..وهي.....بقلم/بهاء عجمي

هو:اقسم بالله انني احبك.
هي:وما الداعي لقسمك اذا كنت اصدقك!!!!!
هو:اقسم لانني دائما اود ان اؤكد لكي حبي.
هي:لا تقلق انني متاكدة جدا... فلا تقسم!!!
هو:اذن انتي تعلمين مدى النار التي اعيش بها؟
هي:نعم,واشعر بلهيبها كلما اقتربت مني,, فابتعد.
هو:وايضا تعلمين ما مدى اشتياقي لكي؟!!
هي:اعلم جيدا انك تشتاق الي.
هو:فماذا افعل؟؟ انني اريد الاقتراب منك اكثر واكثر!!
هي:لا عليك من الاقتراب...فقط تكلم.
هو:اتكلم.!! ماذا تريديني ان اقول؟؟
هي:زد من عبارات الحب والاشتياق والغزل.
هو:وماذا بعد ذلك؟ هل ستتكلمين انتي ؟؟
هي:انا اسمع فقط!! ودائما اريد الجديد. والا!!!
هو:والا ماذا؟! هل ستتركيني؟ اجيبي ارجوكي!!
هي:انا اسمع فقط..ودائما لا اجيب!!!

.

تحياتي

بهاء عجمي