بــهــاء عــجــمــي..الرأي السياسي

طول ما رئيسها الحزب الواطي

حفضل أقول أنا مصر بخير.....بقلم/بهاء عجمي

جوة دمار وبرة دمار

ولا نحتار دي مصر بخير

جنيه في النازل جنيه في الضايع

وإيه حتقول غير مصر بخير؟

فرضوا ضريبة وألف ضريبة

وأنت تقول أل مصر بخير

ألف جريدة وواحدة شديدة

وإيه حتقول غير مصر بخير

وزرا ضعيفة..أيوة ضعيفة

وبرضو حقول أنا مصر بخير

قلنا حنبني وأدينا بنينا ألف عمارة

بس بكام؟!! مصر بخير

تقدر تفتح دي عن دي ؟

أيوة حتقدر بس تقول..مصر بخير

وده إخواني ومنه أياني

ولسة بقول أل مصر بخير

يوسف والي ويوسف غالي

وأنت رخيص ومصر بخير

قالوا طنطاوي حيحمي الجيش

قلت تجيش؟!دي مصر بخير

وده بلتاجي وغيره فاروق

سرقوا أثارنا ومصر بخير

عاطف صدقي وبعده نظيف

وأنت بعفنك مصر بخير

قالوا مفيد ومعاه بهاء فيه تعليم!!

قلت بجهلك مصر بخير

وشيخ الأزهر برضو بيظهر

وأنت يا مظهر مصر بخير

وده أل فتحي وكله سرور

وأنت بحزنك..مصر بخير

وكمان صفوت بيته شريف

وأنت بعارك مصر بخير

وطول ما رئيسها العر؟؟ مبارك

حفضل أقول أنا..مصر بخير

طول ما رئيسها العر؟؟ مبارك

حفضل أقول أنا مصر بخير

.....

تحياتي

بهاء عجمي

bahaa @ 16:20
Wapher | del.icio.us