بــهــاء عــجــمــي..الرأي السياسي

رسالة من والدي....بقلم/مصطفى عجمي

عزيزي/بهاء

بعد السلام عليكم ورحمة الله وبركاته

أرجو من الله العلي العظيم أن تكون في صحة جيدة وأحسن حال

(أمين يا رب العالمين) وأرجو من الله أن تكون المذاكرة همك الشاغل

حتى ينعم الله عليك ويكلل جهدك بالنجاح وتكون قدر المسئولية

وحتى تنهي السنة القادمة إن شاء الله على خير يا رب

الجميع بخير والحمدلله ويهدونك السلام

بالنسبة للبنت الإسرائيلية لا تشغل بالك بها ويمكن أن يكون

في لبس من أين(الله اعلم) وممكن أن تكون زي مأنت بتقول

عايزة حد في مصر يبقى صديقا وبتعمل على توطيد العلاقة

عن طريق أختك حتى يتسنى لها الأقامة عند حضورها

ونحن لا نمانع على أساس أن تكون شريفة وعفيفة

وتيجي إسكندرية كأي مصري .وأرجو أن يكون كلامك محل ثقة

ولا داعي للغلط حتى تعرف من يكون هذا الذي يقوم بالوقيعة

وأخيرا وليس بأخير

أرجو الأهتمام بنفسك ومذاكرتك وهي ولا غيرها حتى تنتهي إن شاء الله

ولك تحياتي ودعواتي والأسرة

والدك/مصطفى عجمي

مرسل مع الجواب صورة عمر إبن أختك

بقى مجرم خالص وبيسلم عليك

.........

ردي على والدي

أبي وصديقي العزيز/مصطفى عجمي

بالنسبة لموضوع المذاكرة ماتقلقش خالص

كفاية إن إسكندرية وحشتني جدا وأنتم كمان

وانا بعمل اللي عليا

أما بالنسبة لموضوع البنت الإسرائيلية

أنا مش شاغل دماغي بيها خالص ولا كأن حاجة حصلت

أنا بس خايف لتكون بتوجع دماغكم وعاملالكم قلق عليا

ماتقلقوش خالص خالص انا زي الفل وماتخافوش عليا

وأبقى أكملك لما أرجع إسكندرية

المهم دلوقتي إدعولي كلكم وسلملي على الجميع

وقبلهم كلهم المجرم عمر ربنا يخليه يارب

والسلام عليكم ورحمة الله وبركاته

......

bahaa @ 04:26
Wapher | del.icio.us