عندما تمر في طريق به من المصاعب والمشقات ما لم يتحمله بشر..
وترى شخصا هناك راضيا كل الرضا عن تلك المصاعب والمشقات
فلا تسأله عن أسمه!!
لأنه سيكون...بهاء عجمي..منطقة الدخيلة بالاسكندرية
تشتكي من مشاكل (المخدرات والبطالة والبرشام والمخدرات والبلطجية والعشوائيات)
وأعضاء مجلس الشعب يتجملون بحملات علاجهم المجانية وبطرق مكافحة الفئران
والحكومة ودن من طين و ودن من عجين و ودن من بلاستيك و ودن من حديد عز الدخيلة
بقلم / بهاء عجمي
.
إلحق يا وزير الداخلية..الدخيلة بقت الباطنية والضاهرية والرجلية والصدرية وانتو نايمين في المخللية!!
...
اتكلمنا عن مشاكل ومخالفات قسم شرطة الدخيلة اللي هي بالجملة طبعا
ولا احد يرى ولا احد يتكلم ولا احد يسمع ....سوى الناس الغلابة الطيبين
اللذين لا حول لهم ولا قوة
النهاردة حنتكلمو عن كارثة تانية خالص في نفس المنطقة
الــــدخــــيــــلة
.
البطالة تكسو اراضي الدخيلة القبلية والبحرية
مع زيادة معدل كميات المخدرات بكافة انواعها
ايشي بيسا وبرشام وحشيش وافيون
وما ادراك ما البطالة مع المخدرات
يعني مشاكل تانية كتير لازم تظهر بالتبعية
.
البلطجة بقت ظاهرة مؤثرة جدا في الشارع الدخلاوي
وانقسمت الشوارع الى حارات
وكل حارة وبقى ليها تاجرها للمخدرات والكيوف
وكل حارة بقى ليها عاشور الناجي الخاص بيها
اسم الله عليه اسم الله عليه
عاشور الناجي اسم الله عليه اسم الله عليه
.
كل ده والحكومة فين ؟ مش واخدة بالها
لا بالعكس
الحكومة عارفة كل شبر في الدخيلة
ومترشقين في كل زوارقها
بس الحكومة مش عايزة تتصرف وتحل المشاكل دي
لان حكومتنا وبكل بساطة وصراحة ووضوح
عايشة على كدة
يطلعو تاجر مخدرات
يقبضو عليه مرة
يشغلووه مرشد
يجيبلهم قواضي وتقفيلات محاضر
.....
المخبرين بيجوا عيني عينك لتجار المخدرات ياخدو منهم نسبتهم في الحصة المباعة يوميا
وكأن الحكومة هي اللي بتحمي تجار المخدرات والبراشيم
....
اشتكينا كتير
في المديرية وامن الدولة والقسم نفسو
اشتكينا لربنا
اشتكينا لاعضاء مجلس الشعب المواكيس الخايبيين
اللي زيهم زي الكراسي اللي قاعدين عليها
....
لو الحكومة ماتصرفتش في موضوع الدخيلة ده
حيجيلها من وراها وجع الراس
عزت حنفي تاني وتالت ورابع
عاشور الناجي خامس وسادس وسابع
ام عبير تاسع وعاشر وحداشر
....
حبيب العادلي
انت وزير مقلب
ومقلب كبير كمان للشعب
انت تقريبا الخازووق الوحيد اللي احنا اخدناه
جنب الخازووق الكبير طبعا !!
مبارك علينا !!
مبارك علينا الوكسة والخيبة
مبارك علينا المحسوبية والواسطة
مبارك علينا الظلم واستغلال النفوذ
مبارك علينا المخدرات والدعارة
مبارك علينا البطالة وميلة البخت ياختي ههههههههههههههههه
...
والله انا مش عارف اقول ايه تاني
اتحسبن عليكو يا ولاد الكلب !!
..
امبارح كان فيه كارثة في الدخيلة الجبلية
وبالتحديد في شارع الجيش
سيوف ومطاوي ومية نار وقتل ودبح وسرقة
يوميا على مرئى ومسمع حكومتنا المبجلة
مستنيين ايه عشان ينضفوا الدخيلة
مستنيين ايه عشان يلحقونا او يرحمونا
....
مبارك علينا
مبارك فعلا علينا وعلى اللي جابونا من فوق
ومن تحت
ومن كل الاوضاع
ابتداءا من الفرنساوي
حتى الاسباني
.
ولا عزاء لانصاف الرجال
ولا عزاء للرجال
...
فقط العزاء
لاصحاب النفوس الضعيفة والضماير السوداء
ااء اااء اااء ااء
.
تحياتي يا ريس
بهاء عجمي
bahaa @ 11:54
Wapher | 
del.icio.us
ترك تعليق